આજથી નેચરલ ગેસ સેક્ટરમાં સમાન ટેરિફ લાગુ થશે

આ નવી પહેલ દેશના તમામ ક્ષેત્રોના આર્થિક વિકાસને વેગ આપશે અને દૂરના વિસ્તારોમાં સ્થિત ગ્રાહકોને ફાયદો થશે

આજથી નેચરલ ગેસ સેક્ટરમાં સમાન ટેરિફ લાગુ થશે. સમાન ટેરિફના અમલીકરણની પ્રશંસા કરતા પ્રધાનમંત્રી નરેન્દ્ર મોદીએ તેને ઉર્જા અને ગેસ ક્ષેત્રે નોંધપાત્ર સુધારો ગણાવ્યો હતો. વન નેશન, વન ગ્રીડ અને વન પ્રાઇસની તર્જ પર નેચરલ ગેસ સેક્ટરમાં એકસમાન ટેરિફ આજથી અમલમાં આવી રહી છે.નેચરલ ગેસ રેગ્યુલેટરી બોર્ડે આ અંગે પહેલાથી જ નોટિફિકેશન બહાર પાડી દીધું છે અને તે દેશના સમગ્ર ગેસ નેટવર્કમાં લાગુ કરવામાં આવશે. તે ત્રણ ભાવ ઝોનમાં વર્ગીકૃત થયેલ છે અને આ ઝોન ગેસ સ્ત્રોતથી તેમના અંતર પર આધારિત છે. બોર્ડે કહ્યું છે કે યુનિફોર્મ ટેરિફ 73.93 રૂપિયા પ્રતિ મેટ્રિક મિલિયન બ્રિટિશ થર્મલ યુનિટ હશે.

આ નવી પહેલ દેશના તમામ ક્ષેત્રોના આર્થિક વિકાસને વેગ આપશે અને દૂરના વિસ્તારોમાં સ્થિત ગ્રાહકોને ફાયદો થશે. પેટ્રોલિયમ અને પ્રાકૃતિક ગેસ મંત્રી હરદીપ સિંહ પુરીએ કહ્યું છે કે નવી પ્રાઈસિંગ સિસ્ટમ ગેસ માર્કેટના વિકાસ અને દેશમાં ગેસના વપરાશમાં વધારો કરવા માટે સરકારના વિઝનને સાકાર કરશે.