આવતીકાલે દેશભરની 102 બેઠકો પર પ્રથમ તબક્કાનું મતદાન થશે, 1625 ઉમેદવારોનું ભાવિ થશે EVMમાં કેદ

લોકસભા ચૂંટણીના પ્રથમ તબક્કાના મતદાન માટે પ્રચાર પડઘમ શાંત થઈ ગયા છે. આવતીકાલથી દેશમાં લોકસભા ચૂંટણીનો પ્રારંભ થશે. આવતીકાલે દેશભરની 102 બેઠકો પર મતદાન થશે. જેમાં બિહારની 4 બેઠક, મધ્યપ્રદેશની 6 બેઠક, મહારાષ્ટ્રની 5 બેઠક, રાજસ્થાનની 12 બેઠકો પર, તમિલનાડુની 39 બેઠકો, ઉત્તરપ્રદેશની 8 બેઠકો, તો ઉત્તરાખંડની તમામ 5 બેઠકો પર મતદાન થશે. જમ્મુકાશ્મીરની 1 બેઠક, અંદમાન-નિકોબાર, સિક્કિમ, લક્ષદ્વીપની એક-એક બેઠકો પર મતદાન યોજાશે

પશ્ચિમ બંગાળની પણ 3 બેઠક, છત્તીસગઢની 1 બેઠક, મણિપુરની 2 બેઠક, મેઘાલયની 2 બેઠક, અરુણાચલ પ્રદેશની 2 બેઠક, આસામની 5 બેઠક મતદાન યોજાશે. ત્રિપુરા અને મિઝોરમની 1-1 બેઠક પર પણ મતદાન થશે.