ઉત્તરાખંડના કેટલાક વિસ્તારોમાં હિટવેવનું રેડ એલર્ટ જાહેર કરવામાં આવ્યું

હવામાન વિભાગે આગામી ત્રણ-ચાર દિવસ દરમિયાન ઉત્તર પ્રદેશ, પશ્ચિમ બંગાળના ગંગા પ્રદેશ, બિહાર અને ઝારખંડમાં તીવ્ર ગરમીનું મોજું રહેવાની આગાહી કરી છે. આ સમયગાળા દરમિયાન ઉત્તરાખંડ, પંજાબ, હરિયાણા, ચંદીગઢ, દિલ્હી, મધ્યપ્રદેશ, રાજસ્થાન, હિમાચલ પ્રદેશ, જમ્મુ વિભાગ અને ઓડિશામાં પણ જોરદાર ગરમ પવનો ફૂંકાશે. જોકે, આગામી ત્રણ દિવસમાં પૂર્વ ભારતમાં મહત્તમ તાપમાનમાં કોઈ મોટો ફેરફાર થશે નહીં.

હવામાન વિભાગે જણાવ્યું હતું કે ઓડિશાના અન્ય ભાગો, દરિયાકાંઠાના આંધ્રપ્રદેશ અને બંગાળની ઉત્તરપશ્ચિમ ખાડીમાં દક્ષિણપશ્ચિમ ચોમાસું આગળ વધવા માટે હવામાનની સ્થિતિ અનુકૂળ છે. હવામાન વિભાગે આગામી ચાર-પાંચ દિવસમાં પશ્ચિમ બંગાળ, સિક્કિમ અને પૂર્વોત્તર ભારતમાં ભારે વરસાદની આગાહી કરી છે. ગઈ કાલે દિલ્હીમાં મહત્તમ તાપમાન 44.7 ડિગ્રી સેલ્સિયસ નોંધાયું હતું.