ઉત્તર ભારતમાં આગામી ચાર દિવસ ધૂમ્મસભર્યું વાતાવરણ રહેવાની આગાહી શક્યતા

હવામાન વિભાગે આજે અને આવતીકાલે ઓડિશા, ઉત્તર રાજસ્થાન અને ઉત્તર-પશ્ચિમ મધ્યપ્રદેશના ભાગોમાં ગાઢ ધુમ્મસની સ્થિતિની આગાહી કરી છે. આ સ્થિતિ આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં પણ આગામી 4 દિવસ સુધી સવારના કલાકો દરમિયાન યથાવત રહેશે.

પંજાબ, હરિયાણા, ચંદીગઢ, ઉત્તર પ્રદેશ અને દિલ્હીના ભાગોમાં આગામી 2 દિવસ સુધી રાત્રિ અને સવારના કલાકો દરમિયાન ગાઢથી ખૂબ ગાઢ ધુમ્મસ ચાલુ રહેવાની શક્યતા છે.હવામાન વિભાગે જમ્મુ અને કાશ્મીર, લદ્દાખ, ગિલગિટ, બાલ્ટિસ્તાન, મુઝફ્ફરાબાદ, હિમાચલ પ્રદેશ, ઉત્તરાખંડ, ઉત્તર પ્રદેશ, પૂર્વ રાજસ્થાન, મધ્યપ્રદેશ, છત્તીસગઢ અને વિદર્ભમાં 31 ડિસેમ્બરથી 3 દિવસ સુધી હળવા વરસાદની આગાહી કરી છે.

વિભાગે જણાવ્યું હતું કે આ તાજા પશ્ચિમી વિક્ષેપને કારણે છે, જે 30મીથી ઉત્તર પશ્ચિમ ભારતને અસર કરે તેવી શક્યતા છે. ઉપરાંત, તેના પ્રભાવ અને નીચા સ્તરના પૂર્વીય પવનો સાથે તેની ક્રિયાપ્રતિક્રિયા હેઠળ, દક્ષિણ તમિલનાડુ અને કેરળમાં 30 ડિસેમ્બરથી 4 દિવસ સુધી હળવાથી મધ્યમ વરસાદની શક્યતા છે. હવામાન વિભાગનો અંદાજ છે કે આગામી 4 દિવસમાં ઉત્તર-પશ્ચિમ અને પૂર્વ ભારતમાં અને આવતીકાલ સુધી મધ્ય ભારતમાં લઘુત્તમ તાપમાનમાં કોઈ ખાસ ફેરફાર થશે નહીં, જોકે તે પછી તેમાં 2 થી 3 ડિગ્રી સેલ્સિયસનો વધારો થવાની ધારણા છે.