ઉત્તર ભારતમાં આગામી ત્રણ દિવસ સુધી વહેલી સવારે અને મોડી રાત્રે ગાઢ ધુમ્મસનું એલર્ટ

ઉત્તર ભારતમાં ઠંડીનું મોજું ફરી વળ્યું છે. રાજસ્થાન, પંજાબ, હરિયાણા અને ઉત્તર પ્રદેશમાં ગાઢ ધુમ્મસ છવાયેલું છે. આ ક્ષેત્રોમાં વિઝિટિબિલિટી પણ ઓછી થઈ ગઈ છે. હવામાન વિભાગે આગામી બે દિવસ આ રાજ્યો સિવાય રાજધાની દિલ્હી અને મધ્યપ્રદેશમાં પણ ગાઢ ધુમ્મસની આગાહી કરી છે.

ધુમ્મસના કારણે ઘણી જગ્યાએ ટ્રેન સેવાઓ પ્રભાવિત થઈ છે. હવામાન વિભાગે કેરળ, તમિલનાડુ, પુડુચેરી અને લક્ષ્યદ્વીપમાં આગામી 4 દિવસ સુધી વરસાદની આગાહી કરી છે.

આ તરફ, ગુજરાતમાં વરસાદની શક્યતા નહિવત્ હોવાની હવામાન વિભાગ દ્વારા માહિતી આપવામાં આવી છે. વેસ્ટર્ન ડિસ્ટર્ન્સના કારણે આગામી બેથી ત્રણ દિવસ દરમિયાન રાજ્યમાં વાદળછાયું વાતાવરણ રહેશે.