ઓમાનના સુલતાન આજે રાષ્ટ્રપતિ દ્રૌપદી મુર્મુ અને પ્રધાનમંત્રી નરેન્દ્ર મોદી સાથે બેઠક કરશે

ઓમાનના સુલતાન હૈથમ બિન તારિક ભારતના ત્રણ દિવસીય પ્રવાસે છે.. તેઓનું આજે રાષ્ટ્રપતિ ભવનમાં ઔપચારિક સ્વાગત કરવામાં આવશે.. આ સાથે રાષ્ટ્રપતિ દ્રોપદી મુર્મુ અને પ્રધાનમંત્રી નરેન્દ્ર મોદી સાથે તેઓ બેઠક કરશે.

આ યાત્રા દરમિયાન તેઓ ઉપરાષ્ટ્રપતિ જગદીપ ધનખડ સાથે પણ મુલાકાત કરશે.આ પહેલા ગઈકાલે વિદેશ મંત્રી ડોક્ટર એસ.જયશંકરે ઓમાનના સુલતાન સાથે મુલાકત કરી હતી.બંન વચ્ચે પોતાના દેશ સાથે સંકળાયેલ તમામ મુદ્દાઓ પર ચર્ચા કરવામાં આવી હતી.

ઓમાનના સુલતાનની ભારતની આ પ્રથમ સરકારી મુલાકાત છે, જે ભારત અને ઓમાન વચ્ચેના રાજદ્વારી સંબંધોમાં એક નવા પરિમાણને દર્શાવે છે. ઉલ્લેખનીય છે કે ઓમાન સાથે ભારતના સદીઓ જૂના સંબંધો છે. ભારત અને ઓમાન વચ્ચે ઐતિહાસિક, સાંસ્કૃતિક અને આર્થિક સંબંધો પર આધારિત લાંબા સમયથી મિત્રતા છે. 2018 માં,પ્રધાનમંત્રી નરેન્દ્ર મોદીની ઓમાનની મુલાકાતે બંને દેશો વચ્ચેના દ્વિપક્ષીય સંબંધોમાં એક મહત્વપૂર્ણ પ્રકરણ ઉમેર્યું.