કેન્દ્રીય કેબિનેટે વારાણસીના લાલ બહાદુર શાસ્ત્રી ઈન્ટરનેશનલ એરપોર્ટને વિકસાવવાની મંજૂરી આપી 

પ્રધાનમંત્રી નરેન્દ્ર મોદીની અધ્યક્ષતામાં બુધવારે મળેલી કેન્દ્રીય કેબિનેટની બેઠકમાં વારાણસીમાં લાલ બહાદુર શાસ્ત્રી ઈન્ટરનેશનલ એરપોર્ટને વિકસાવવાની મંજૂરી આપવામાં આવી હતી. જે બાદ હવે વારાણસીમાં આંતરરાષ્ટ્રીય કક્ષાની સુવિધાઓ વિકસાવવાથી નવા રનવેની સાથે આખી ઈમારતને નવી ડિઝાઇન અને વિસ્તરણની મોટી ભેટ મળશે.

એરપોર્ટ પર પેસેન્જર હેન્ડલિંગ ક્ષમતાને વધારીને વાર્ષિક 9.9 મિલિયન મુસાફરો (MPPA) કરવા માટેનો અંદાજિત નાણાકીય ખર્ચ હાલના 3.9 MPPA થી રૂ. 2869.65 કરોડ થશે. વારાણસી એરપોર્ટને ગ્રીન એરપોર્ટ તરીકે વિકસાવવામાં આવશે. જેમાં નવામાં ટર્મિનલ બિલ્ડીંગનું બાંધકામ, એપ્રોન એક્સ્ટેંશન, રનવે એક્સ્ટેંશન, સમાંતર ટેક્સી ટ્રેક અને સંલગ્ન કામોનો પણ સમાવેશ થાય છે.

જણાવી દઈએ કે એરપોર્ટ પર પેસેન્જર હેન્ડલિંગ કેપેસિટીને વર્તમાન 3.9 MPPA થી વધારીને વાર્ષિક 9.9 મિલિયન પેસેન્જર્સ (MPPA) કરવા પર અંદાજિત નાણાકીય ખર્ચ રૂ. 2869.65 કરોડ થશે. 75,000 ચોરસ મીટરમાં ફેલાયેલી નવી ટર્મિનલ બિલ્ડિંગને 6 MPPA અને 5000 પીક અવર પેસેન્જર્સ (PHP)ની ક્ષમતાને હેન્ડલ કરવા માટે ડિઝાઇન કરવામાં આવી છે. તે શહેરના વિશાળ સાંસ્કૃતિક વારસાને પ્રદર્શિત કરવા માટે ડિઝાઇન કરવામાં આવ્યું છે.

પ્રસ્તાવમાં રનવેને 4075 મીટર x 45 મીટર સુધી વિસ્તરણ અને 20 એરક્રાફ્ટ પાર્ક કરવા માટે નવા એપ્રોન બનાવવાનો સમાવેશ થાય છે. એનર્જી ઓપ્ટિમાઇઝેશન, વેસ્ટ રિસાયક્લિંગ, કાર્બન ઉત્સર્જનમાં ઘટાડો, સૌર ઉર્જાનો ઉપયોગ અને કુદરતી ડેલાઇટનો સમાવેશ કરીને પર્યાવરણીય ટકાઉપણું સુનિશ્ચિત કરવાના મુખ્ય ઉદ્દેશ્ય સાથે વારાણસી એરપોર્ટને ગ્રીન એરપોર્ટ તરીકે વિકસાવવામાં આવશે. આ ઉપરાંત, આયોજન, વિકાસ અને કામગીરીના તમામ તબક્કે અન્ય ટકાઉ પગલાં પણ લેવામાં આવશે.