કોલકાતામાં મહિલા ડૉક્ટર પર રેપ-મર્ડરના મામલામાં સુપ્રીમ કોર્ટે સુઓમોટો લીધો

સુપ્રીમ કોર્ટે કોલકાતામાં મહિલા ડૉક્ટર પર રેપ અને હત્યાના મામલામાં સ્વંયસંજ્ઞાન લીધી છે. ચીફ જસ્ટિસ ઑફ ઈન્ડિયા ધનંજય ચંદ્રચુડ, જસ્ટિસ જમશેદ પારડીવાલા અને મનોજ મિશ્રા મંગળવારે આ કેસની સુનાવણી કરશે. આ મહિનાની 9મી તારીખે કોલકાતાની રાધા ગોવિંદ કાર મેડિકલ કોલેજ અને હોસ્પિટલના સેમિનાર હોલમાં પોસ્ટ ગ્રેજ્યુએટ તાલીમાર્થી મહિલા ડૉક્ટર પર રેપ અને મર્ડરની ઘટના બની હતી. આ ઘટનાના એક દિવસ બાદ કોલકાતા પોલીસે આ કેસમાં એક સ્વયંસેવકની ધરપકડ કરી હતી. આ ઘટનાને લઈને દેશભરમાં વિરોધ પ્રદર્શન થઈ રહ્યા છે. દેશના તબીબો આ મામલામાં સામેલ આરોપીઓ સામે કાર્યવાહી કરવાની માંગ કરી રહ્યા છે.

13 ઓગસ્ટે કલકત્તા હાઈકોર્ટે કેન્દ્રીય તપાસ બ્યુરોને આ મામલાની તપાસ કરવાનો નિર્દેશ આપ્યો હતો.