જમ્મુ-કાશ્મીરના શોપિયાના ડીકે પોરામાંથી આતંકીઓના બે સાથીઓની ધરપકડ

પોલીસને બે આતંકવાદીઓ પાસેથી હથિયારો અને દારૂગોળો પણ મળી આવ્યા છે. બંનેને ઇમામ સાહિબ પોલીસ સ્ટેશન હેઠળના ડીકે પોરા વિસ્તારમાં એક ચેકપોસ્ટ પર પકડવામાં આવ્યા હતા.

જમ્મુ-કાશ્મીર પોલીસ અને સુરક્ષા દળોએ દક્ષિણ કાશ્મીરના શોપિયા જિલ્લાના ડીકે પોરા વિસ્તારમાંથી બે આતંકવાદી સાથીઓની ધરપકડ કરી છે. તેમના કબજામાંથી હથિયારો અને દારૂગોળો જપ્ત કરવામાં આવ્યો છે. 

શોપિયા પોલીસ અને CRPFની 178મી બટાલિયને સંયુક્ત ઓપરેશન હાથ ધર્યું 

અધિકારીઓએ આજે ​​સોમવારે આ માહિતી આપી છે. તેમણે કહ્યું કે, સેનાની 34RR, શોપિયા પોલીસ અને CRPFની 178 બટાલિયને સંયુક્ત ઓપરેશન હાથ ધર્યું હતું. બંનેને ઇમામ સાહિબ પોલીસ સ્ટેશન હેઠળના ડીકે પોરા વિસ્તારમાં એક ચેકપોસ્ટ પર પકડવામાં આવ્યા હતા.

હથિયારો અને દારૂગોળો જપ્ત કરાયો

અધિકારીએ કહ્યું કે, તેમની પાસેથી બે પિસ્તોલ, બે મેગેઝિન, ડઝનબંધ રાઉન્ડ, બે ગ્રેનેડ અને અન્ય ગુનાહિત સામગ્રી મળી આવી છે. ધરપકડ કરાયેલા આતંકવાદી સાથીઓની ઓળખ ડીકે પોરાના ઝાહિદ અહમદ શેખ અને કઠવાના અનવર ખાન તરીકે થઈ છે.

પોલીસ સ્ટેશન ઇમામ સાહેબમાં FIR દાખલ

અધિકારીએ કહ્યું કે, FIR નં. 25/2025 કલમ 13,18,20,39,7/27 IA એક્ટ હેઠળ પોલીસ સ્ટેશન ઈમામ સાહેબ ખાતે ગુનો નોંધવામાં આવ્યો છે અને વધુ તપાસ શરૂ કરવામાં આવી છે.