તમિલનાડુમાં ચક્રવાત ફેંગલનો ખતરો, પુંડુંચેરીમાં પણ ભારે વરસાદનું ઓરેન્જ એલર્ટ

તમિલનાડુમાં ફાંગલ ચક્રવાતને કારણે ઘણા ભાગોમાં ભારે વરસાદ થઈ રહ્યો છે. ભારતીય હવામાન વિભાગ (IMD) એ ઘણા જિલ્લાઓમાં ભારે વરસાદ, પૂર અને ખરાબ હવામાનની ચેતવણી જારી કરી છે, જેના કારણે આપત્તિની તૈયારીઓ પણ તેજ કરી દેવામાં આવી છે.

NDRF અને SDRF ટીમો તૈનાત કરવા સૂચના
આ ઉપરાંત, ભારે વરસાદની સંભાવનાવાળા વિસ્તારોમાં NDRF અને SDRF ટીમોને તૈનાત કરવા સૂચના આપવામાં આવી છે. આ માટે કુલ 17 ટીમો તૈનાત કરવામાં આવી છે. તેમાં ચેન્નાઈ, તિરુવરુર, માયલા દુથુરાઈ, નાગાપટ્ટિનમ, કુડ્ડલોર અને તંજાવુર જિલ્લાઓનો સમાવેશ થાય છે. 

રાજ્યમાં આગામી 3 દિવસ ભારે વરસાદની આગાહી
IMD એ રાજ્યમાં આગામી ત્રણ દિવસ ભારે વરસાદની આગાહી કરી છે. તેમજ પુડુચેરી સરકારે પણ ભારે વરસાદની આગાહીને કારણે પુડુચેરી અને કરાઈકલમાં તમામ સરકારી, ખાનગી અને સરકારી સહાયિત શાળાઓ અને કોલેજોમાં રજા જાહેર કરી છે. 

પુંડુંચેરી માટે ઓરેન્જ એલર્ટ જારી કરવામાં આવ્યું 
શિક્ષણ મંત્રી એ.નમસિવયમે પ્રતિકૂળ હવામાન પરિસ્થિતિઓને ટાંકીને આ નિર્ણય જાહેર કર્યો છે. ભારતીય હવામાન વિભાગે પુડુચેરી માટે નારંગી ચેતવણી જારી કરી છે, દક્ષિણ પશ્ચિમ બંગાળની ખાડીમાં ડિપ્રેશનને કારણે ભારે વરસાદની ચેતવણી આપી છે જે ડીપ ડિપ્રેશનમાં ફેરવાઈ જશે. 

બંગાળની ખાડીના દક્ષિણ-પશ્ચિમમાં ડીપ પ્રેશર સર્જાયું 
પ્રવાસન નિયામકએ ઓપરેટરોને બોટ અને સુરક્ષા સાધનોને સુરક્ષિત રાખવાની પણ સલાહ આપી છે. વિશાખાપટ્ટનમ ચક્રવાત ચેતવણી કેન્દ્રના ફરજ અધિકારી એસ કુમારે જણાવ્યું છે કે બંગાળની ખાડીના દક્ષિણ-પશ્ચિમમાં રચાયેલ ડીપ ડિપ્રેશન છેલ્લા કેટલાક કલાકોમાં ઉત્તર-ઉત્તરપશ્ચિમ તરફ આગળ વધ્યું છે. આગામી 12 કલાક દરમિયાન તે ઉત્તર-ઉત્તરપશ્ચિમ તરફ આગળ વધે અને ચક્રવાતી તોફાનમાં વધુ તીવ્ર બને તેવી શક્યતા છે.