તમિલનાડુમાં ચૂંટણી માટે 3 હજારથી વધુ રેકોર્ડ બ્રેક ફોર્મ ભરાયા, 9 એપ્રિલે ચિત્ર સ્પષ્ટ થશે

તમિલનાડુની 234 બેઠકોવાળી વિધાનસભાની ચૂંટણી માટે ફોર્મ ભરવાની પ્રક્રિયા પૂર્ણ થયા બાદ, આજથી ચૂંટણી પંચ દ્વારા ઉમેદવારી પત્રોની ચકાસણી શરૂ કરવામાં આવી છે. આ પ્રક્રિયા ચૂંટણી પ્રક્રિયાનો અત્યંત મહત્વનો તબક્કો છે, જેમાં ક્ષતિવાળા ફોર્મ રદ કરવામાં આવશે.

તમિલનાડુની 234 બેઠકોવાળી વિધાનસભાની ચૂંટણી માટે ફોર્મ ભરવાની પ્રક્રિયા પૂર્ણ થયા બાદ, આજથી ચૂંટણી પંચ દ્વારા ઉમેદવારી પત્રોની ચકાસણી શરૂ કરવામાં આવી છે. આ પ્રક્રિયા ચૂંટણી પ્રક્રિયાનો અત્યંત મહત્વનો તબક્કો છે, જેમાં ક્ષતિવાળા ફોર્મ રદ કરવામાં આવશે.

ચૂંટણી કાર્યક્રમ પર એક નજર
ચકાસણીની શરૂઆત: 7 એપ્રિલ, સવારે 11:00 વાગ્યાથી.

ફોર્મ ખેંચવાની છેલ્લી તારીખ: 9 એપ્રિલ.

ચૂંટણી (મતદાન): 23 એપ્રિલ.

પરિણામ (મતગણતરી): 4 મે.

દિગ્ગજ નેતાઓ મેદાનમાં
આ ચૂંટણીમાં તમિલનાડુના રાજકારણના મોટા ચહેરાઓએ પોતપોતાના મજબૂત ગઢ પરથી દાવ ખેલ્યો છે:

એમ.કે. સ્ટાલિન (મુખ્યમંત્રી): કોલાથુર બેઠક પરથી ફોર્મ ભર્યું.

એડપ્પાદી કે. પલાનીસ્વામી (AIADMK): સેલમ જિલ્લાની 'એડપ્પાદી' બેઠક પરથી સતત 8મી વખત ચૂંટણી લડશે.

વિજય (TVK નેતા): પેરામ્બુર બેઠક પરથી મેદાનમાં.

સીમન (NTK ચીફ): કરાઈકુડી બેઠક પરથી નસીબ અજમાવશે.

રેકોર્ડબ્રેક નામાંકન અને ભારે ભીડ
ફોર્મ ભરવાના છેલ્લા દિવસે 'શુભ મુહૂર્ત' હોવાથી ચૂંટણી કચેરીઓ બહાર ઉમેદવારો અને સમર્થકોની કીડિયારું ઉભરાયું હતું.

પ્રથમ દિવસે: 573 નામાંકન.

4 એપ્રિલના રોજ: 2,069 જેટલા વિક્રમી ફોર્મ ભરાયા હતા.

પ્રથમ ત્રણ દિવસમાં જ કુલ નામાંકનનો આંકડો 3,430 પર પહોંચી ગયો હતો.

હવે પછી શું?
ચૂંટણી અધિકારીઓના જણાવ્યા અનુસાર, જે મતવિસ્તારોમાં વધુ સંખ્યામાં ફોર્મ ભરાયા છે ત્યાં ચકાસણીમાં વધુ સમય લાગી શકે છે. મંગળવાર સાંજ સુધીમાં કયા ઉમેદવારોના ફોર્મ રદ થયા છે તેની વિગતો જાહેર કરવામાં આવશે. 9 એપ્રિલના રોજ બપોરે 12 વાગ્યા સુધીમાં જે ઉમેદવારો નામ પાછા ખેંચશે, ત્યારબાદ ચૂંટણી લડનારા ઉમેદવારોની અંતિમ યાદી પ્રસિદ્ધ કરવામાં આવશે. વધારાની મતદાર યાદીઓ તૈયાર થઈ ગઈ છે અને ટૂંક સમયમાં જ આખરી યાદી જાહેર કરવામાં આવશે. તમિલનાડુમાં સત્તાધારી પક્ષ અને વિપક્ષ વચ્ચેના આ ખરાખરીના જંગમાં હવે માત્ર ગણતરીના દિવસો બાકી છે, ત્યારે રાજકીય ગરમાવો તેની ચરમસીમાએ પહોંચ્યો છે.