દેશમાં છેલ્લા 24 કલાકમાં કોરોનાના 358 નવા કેસ નોંધાયા, 6ના મોત થયા

કેરળમાં છેલ્લા 24 કલાકમાં 300 નવા કેસ નોંધાયા

દેશમાં ફરી એકવાર કોરોનાના નવા કેસ વધવા લાગ્યા છે. છેલ્લા 24 કલાકમાં કોરોનાના 358 નવા કેસ નોંધાયા છે અને તેના કારણે 6 લોકોના મોત થયા છે. કેરળમાં સૌથી વધુ કોરોના કેસ નોંધાયા છે. કેરળમાં છેલ્લા 24 કલાકમાં 300 નવા કેસ નોંધાયા છે અને તેના કારણે ત્રણ લોકોના મોત થયા છે.

સ્વાસ્થ્ય મંત્રાલયના જણાવ્યા અનુસાર દેશમાં કોરોનાના 358 નવા કેસ નોંધાયા છે. આ સાથે સક્રિય કેસની સંખ્યા વધીને 2669 થઈ ગઈ છે. જે રાજ્યોમાં કોરોનાના કેસ નોંધાઈ રહ્યા છે, તેમાંથી મોટાભાગના દક્ષિણના રાજ્યોમાંથી આવી રહ્યા છે.

હવે ઉત્તર ભારતના રાજ્યોમાં પણ નવા કેસ જોવા મળી રહ્યા છે. હરિયાણામાં એક, દિલ્હી અને ગુજરાતમાં 11, મહારાષ્ટ્રમાં 10, તમિલનાડુમાં 12, તેલંગાણામાં 5, કર્ણાટકમાં 13 કેસ નોંધાયા છે.