નૌકાદળના બે દિવસીય તટરક્ષક ક્વાયત સી વિજીલ-21નો આજથી પ્રારંભ
Live TV
-
12-01-2021 | 6:25 pm
Share Now
ભારતીય નૌકાદળના બે દિવસીય તટરક્ષક ક્વાયત સી વિજીલ 21 નો આજે પ્રારંભ થઈ રહ્યો છે. આ અગાઉ જાન્યુઆરી 2019માં પહેલીવાર આ પ્રકારની ક્વાયત યોજાઈ હતી. આ ક્વાયતમાં સાત હજાર પાંચસો સોળ કિલોમીટરના દરિયાકિનારાને આવરી લેવામાં આવશે. ક્વાયતમાં દેશના ખાસ આર્થિક વિસ્તારને પણ સમાવી લેવામાં આવશે.
ક્વાયતમાં માછીમારો અને દરિયાકિનારાના સમુદાયોને પણ સામેલ કરવામાં આવશે. સી વિજિલ 21 માં શાંતિથી લઈને સંઘર્ષ સુધીના તમામ દરિયાઈ પડકારોનો અભ્યાસ કરવામાં આવશે. આ ક્વાયતમાં ભારતીય નૌકાદળ, તટરક્ષક દળ, સીમા શુલ્ક અને અન્ય દરિયાઈ એજન્સીઓ ભાગ લેશે.
