પહલગામ હુમલામાં મૃત્યુ પામેલા પ્રશાંતનાં પરિવારને મળશે 20 લાખ, પત્નીને મળશે નોકરી

ગુરુવારે જમ્મુ અને કાશ્મીરના પહલગામમાં થયેલા આતંકવાદી હુમલામાં માર્યા ગયેલા ઓડિશાના પ્રશાંત સતપથીના પરિવારને 20 લાખ રૂપિયાની આર્થિક સહાયની જાહેરાત કરાઈ છે. ઓડિશાના મુખ્યમંત્રી મોહન ચરણ માઝીએ આ જાહેરાત કરી છે. તમને જણાવી દઈએ કે મુખ્યમંત્રી મોહન ચરણ માઝીએ બાલાસોર જિલ્લાના રેમુના બ્લોકના ઈશાની ગામમાં સતપથીના નિવાસસ્થાને તેમના પાર્થિવ દેહને પુષ્પાંજલિ આપ્યા પછી આ જાહેરાત કરી હતી.

રાજ્ય સરકાર સતપથીના પત્ની પ્રિયા દર્શિની આચાર્યને નોકરી આપશે અને તેમના પુત્રના શિક્ષણનો ખર્ચ ઉઠાવશે. તેમણે એવી પણ જાહેરાત કરી કે રાજ્ય સરકાર સતપથીના પત્ની પ્રિયા દર્શિની આચાર્યને નોકરી આપશે અને તેમના નવ વર્ષના પુત્ર તનુજનો શિક્ષણ ખર્ચ ઉઠાવશે.

રાજ્ય સરકાર આ સંકટની ઘડીમાં પ્રશાંત સતપથીના પરિવાર સાથે છે.  મુખ્યમંત્રીએ કહ્યું, "હું આ ઘટનાની સખત નિંદા કરું છું અને રાજ્ય સરકાર આ સંકટની ઘડીમાં પ્રશાંત સતપથીના પરિવાર સાથે મજબૂત રીતે ઉભી છે. રાજ્ય સરકાર 20 લાખ રૂપિયાની આર્થિક સહાય, તેમની પત્નીને નોકરી અને તેમના પુત્રના શિક્ષણનો ખર્ચ ઉઠાવશે." મોહન ચરણ માઝીએ પ્રિયા દર્શિનીના સ્વાસ્થ્ય અંગે પણ ચિંતા વ્યક્ત કરી, જે તેમની સાથે વાત કરતી વખતે બેહોશ થઈ ગઈ હતી.