પુંછમાં એરફોર્સના કાફલા પર આતંકવાદી હુમલા બાદ સુરક્ષા વધારાઈ, સેનાનું સર્ચ ઓપરેશન

પુંછમાં એરફોર્સના કાફલા પર આતંકવાદી હુમલા બાદ સુરક્ષા વધારાઈ, સેનાનું સર્ચ ઓપરેશન

શનિવારે જમ્મુ-કાશ્મીરના પુંછ સેક્ટરમાં ભારતીય વાયુસેનાના કાફલા પર આતંકવાદી હુમલો થયો હતો. આ હુમલામાં એરફોર્સના જવાન કોર્પોરલ વિકી શહીદ થયા હતા જ્યારે 4 જવાનો ઈજાગ્રસ્ત થયા છે. આ ઘટના પછી મોટાપાયે સર્ચ ઓપરેશન કરવામાં આવ્યું હતું. પુંછ સેક્ટરના સનાઈ ગામમાં થયેલા હુમલા પછી, 5 ઈજાગ્રસ્ત સૈનિકોને ઉધમપુરની કમાન્ડ હોસ્પિટલમાં લઈ જવામાં આવ્યા હતા, જ્યાં ઈજાગ્રસ્ત એરમેનમાંથી એક કોર્પોરલ વિકી પહાડેનું મૃત્યુ થયું હતું. સ્થાનિક સૈન્યએ વિસ્તારમાં વિવિધ સ્થળોએ નાકાબંધી કરીને સર્ચ ઓપરેશન કર્યું હતું. 

વાયુસેનાએ શોક વ્યક્ત કર્યો 
ભારતીય વાયુસેનાએ કોર્પોરલ વિકી પહાડે પ્રત્યે સંવેદના વ્યક્ત કરી છે, એર ચીફ માર્શલ વીઆર ચૌધરીએ કહ્યું, . "અમારા વિચારો આ મુશ્કેલ સમયે શોકગ્રસ્ત પરિવાર સાથે છે અને અમે આ દુઃખની ઘડીમાં તમારી સાથે મજબૂતપણે ઉભા છીએ, હવે કાફલાની સુરક્ષા સાથે કોઈ સમજૂતી કરવામાં આવશે નહીં. લશ્કરી અને તપાસ એકમો હુમલાની વિશિષ્ટતાઓ નક્કી કરવા અને સ્થાનિક રહેવાસીઓની સલામતીની ખાતરી કરવા માટે સંપૂર્ણ તપાસ કરી રહ્યા છે.  ભારતીય વાયુસેનાના વાહનોને એરપોર્ટની અંદર શાહસિતાર પાસેના સામાન્ય વિસ્તારમાં સુરક્ષિત રાખવામાં આવ્યા છે.

આતંકવાદી હુમલા સામે તમામ પક્ષના નેતા થયા એક 
 ઘણા નેતાઓએ આતંકવાદી હુમલાની નિંદા કરી હતી. કોંગ્રેસ અધ્યક્ષ મલિકાર્જુન ખડગે અને પાર્ટીના સાંસદ રાહુલ ગાંધીએ પણ શોક વ્યક્ત કર્યો હતો. ખડગેએ એક પોસ્ટમાં કહ્યું કે કાયરતાપૂર્ણ થયેલાં આતંકવાદી હુમલાથી ખૂબ જ દુઃખી છું.  અમે આ કાયર આતંકવાદી હુમલાને સખત અને સ્પષ્ટપણે વખોડીએ છીએ અને આતંકવાદ સામે રાષ્ટ્રની સાથે ઊભા છીએ. રાહુલ ગાંધીએ કહ્યું, હું ભગવાનને પ્રાર્થના કરું છું કે અમારા ઈજાગ્રસ્ત સૈનિકો જલ્દી સ્વસ્થ થાય. શહીદ સૈનિકને શ્રદ્ધાંજલિ આપુ છું.  દરેક લોકો તેમના પરિવાર સાથે ઉભા છે.