પ્રધાનમંત્રી આજે મુંબઇમાં RBIના 90 વર્ષ પૂરા થવા પર આયોજિત સમારોહને સંબોધિત કરશે

RBIના 90મા સ્થાપના દિવસે આજે મુંબઈમાં વિશેષ કાર્યક્રમનું આયોજન

પ્રધાનમંત્રી નરેન્દ્ર મોદી આજે  મુંબઈમાં રિઝર્વ બેંક ઓફ ઈન્ડિયાના 90 વર્ષની ઉજવણી નિમિત્તે આયોજિત કાર્યક્રમને સંબોધિત કરશે. આ કાર્યક્રમમાં કેન્દ્રીય નાણામંત્રી નિર્મલા સીતારમણ અને RBI ગવર્નર શક્તિકાંત દાસ પણ ભાગ લેશે. રિઝર્વ બેંક ઓફ ઈન્ડિયાની સ્થાપના 1 એપ્રિલ 1935ના રોજ રિઝર્વ બેંક ઓફ ઈન્ડિયા એક્ટ 1934 હેઠળ કરવામાં આવી હતી અને 1 જાન્યુઆરી 1949ના રોજ તેનું રાષ્ટ્રીયકરણ કરવામાં આવ્યું હતું.

આ પ્રસંગે, રિઝર્વ બેન્ક એક સ્મારક કાર્યક્રમનું આયોજન કરી રહી છે. આ કાર્યક્રમમાં પ્રધાનમંત્રી નરેન્દ્ર મોદી 90 રૂપિયાનો સિક્કો પણ બહાર પાડશે. આ પ્રસંગે બહાર પાડવામાં આવનાર સિક્કો કોલકાતા મિન્ટમાં બનાવવામાં આવ્યો છે. આ 90 રૂપિયાના સિક્કાનું વજન 40 ગ્રામ હશે.  આ પહેલા વર્ષ 1985માં રિઝર્વ બેન્કની ગોલ્ડન જ્યુબિલી અને વર્ષ 2010માં રિઝર્વ બેન્કની પ્લેટિનમ જ્યુબિલી પર સ્મારક સિક્કા બહાર પડાયા છે. આ 90 રૂપિયાના સિક્કાના અનાવરણ પછી, આ સિક્કો ફેસ વેલ્યુ કરતાં પ્રીમિયમ પર વેચવામાં આવશે. મહારાષ્ટ્રના મુખ્યમંત્રી એકનાથ શિંદે, મહારાષ્ટ્રના નાયબ મુખ્યમંત્રી દેવેન્દ્ર ફડણવીસ, અજિત પવાર અને વિવિધ બેન્કો અને ઉદ્યોગોના પ્રતિનિધિઓ પણ આ કાર્યક્રમમાં ભાગ લેશે.

રિઝર્વ બેંક ઓફ ઈન્ડિયા (RBI)ની સ્થાપના 1 એપ્રિલ 1935 ના રોજ ભારતીય રિઝર્વ બેંક એક્ટ, 1934 હેઠળ કરવામાં આવી હતી અને 1 જાન્યુઆરી 1949 ના રોજ તેનું રાષ્ટ્રીયકરણ કરવામાં આવ્યું હતું. બેંક કેન્દ્ર સરકાર, રાજ્ય સરકારો, વાણિજ્ય બેંકો, રાજ્ય સહકારી બેંકો માટે બેંકર તરીકે કાર્ય કરે છે.

આરબીઆઈ રૂપિયાના વિનિમય મૂલ્યની સ્થિરતા જાળવવામાં મહત્વની ભૂમિકા ભજવે છે અને આંતરરાષ્ટ્રીય નાણાકીય ભંડોળના ભારતના સભ્યપદના સંદર્ભમાં સરકારના એજન્ટ તરીકે કાર્ય કરે છે. રિઝર્વ બેંક વિવિધ પ્રકારના વિકાસલક્ષી અને પ્રચારાત્મક કાર્યો પણ કરે છે. આ ઉપરાંત, રિઝર્વ બેંક ભારત સરકારના લોન કાર્યક્રમો પણ સંભાળે છે.

ભારતમાં, રિઝર્વ બેંક પાસે એક રૂપિયાના સિક્કા અને નોટો સિવાય અન્ય ચલણ જારી કરવાનો એકમાત્ર અધિકાર છે. કેન્દ્ર સરકારના એજન્ટ તરીકે, રિઝર્વ બેંક પણ એક રૂપિયાની નોટો અને સિક્કાઓ તેમજ સરકાર દ્વારા જારી કરાયેલા નાના સિક્કાઓનું પ્રસારણ કરે છે.