પ્રધાનમંત્રી નરેન્દ્ર મોદી આજે દિલ્હીના કરિઅપ્પા પરેડ ગ્રાઉન્ડ ખાતે NCC PM રેલીને સંબોધિત કરશે

થીમ: ‘યુવા શક્તિ, વિકસિત ભારત’

પ્રધાનમંત્રી નરેન્દ્ર મોદી આજે 27મી જાન્યુઆરી 2025ના રોજ સાંજે 4:30 વાગ્યે દિલ્હીના કરિઅપ્પા પરેડ ગ્રાઉન્ડ ખાતે વાર્ષિક NCC PM રેલીને સંબોધિત કરશે.

આ વર્ષે પ્રજાસત્તાક દિવસ શિબિરમાં કુલ 2361 NCC કેડેટ્સે ભાગ લીધો હતો, જેમાં 917 છોકરી કેડેટ્સનો સમાવેશ થતો હતો, જે છોકરીઓ કેડેટ્સ દ્વારા અત્યાર સુધીની સૌથી વધુ ભાગીદારી હતી. PM રેલીમાં આ કેડેટ્સની ભાગીદારી નવી દિલ્હી ખાતે એક મહિના સુધી ચાલનારા NCC પ્રજાસત્તાક દિવસ શિબિર 2025ના સફળ સમાપનને ચિહ્નિત કરશે. આ વર્ષની NCC PM રેલીની થીમ ‘યુવા શક્તિ, વિકસિત ભારત’ છે.

આ દિવસે 800થી વધુ કેડેટ્સ દ્વારા રાષ્ટ્ર નિર્માણ પ્રત્યે NCCની પ્રતિબદ્ધતા દર્શાવતો સાંસ્કૃતિક કાર્યક્રમ રજૂ કરવામાં આવશે. 18 મિત્ર દેશોના 144 યુવા કેડેટ્સની ભાગીદારી આ વર્ષની રેલીમાં ઉત્સાહ વધારશે.

દેશભરમાંથી મેરા યુવા (MY) ભારત, શિક્ષણ મંત્રાલય અને આદિજાતિ બાબતોના 650થી વધુ સ્વયંસેવકો પણ NCC PM રેલીમાં ખાસ મહેમાનો તરીકે હાજરી આપશે.