પ્રધાનમંત્રી મોદીએ પંડિત જવાહરલાલ નેહરુને તેમની 136મી જન્મજયંતિ પર શ્રદ્ધાંજલિ આપી

 ભારતના પ્રથમ પ્રધાનમંત્રી પંડિત જવાહરલાલ નેહરુની આજે, 14 નવેમ્બર, 2025ના રોજ, 136મી જન્મજયંતિ છે.

આ પ્રસંગે પ્રધાનમંત્રી નરેન્દ્ર મોદીએ તેમને શ્રદ્ધાંજલિ અર્પણ કરી હતી.પ્રધાનમંત્રી મોદીએ સોશિયલ મીડિયા પર પોસ્ટ કરીને લખ્યું કે, "પૂર્વ પ્રધાનમંત્રી પંડિત જવાહરલાલ નેહરુને તેમની જન્મજયંતિ પર શ્રદ્ધાંજલિ."આધુનિક ભારતને આકાર આપવામાં તેમના નેતૃત્વ ઉપરાંત, પંડિત નેહરુ બાળકો પ્રત્યેના તેમના ઊંડા સ્નેહ અને ચિંતા માટે પણ યાદગાર છે.

14 નવેમ્બરના રોજ તેમની જન્મજયંતિને દેશભરમાં બાળ દિવસ (Children's Day) તરીકે પણ ઉજવવામાં આવે છે. બાળકોના કલ્યાણ, શિક્ષણ અને વૈજ્ઞાનિક વિકાસ પર તેમનો વિશેષ ભાર હતો.14 નવેમ્બર, 1889ના રોજ જન્મેલા પંડિત જવાહરલાલ નેહરુ જાહેર સમર્થન અને વિશ્વાસને કારણે સ્વતંત્ર ભારતના પ્રથમ વડા પ્રધાન બન્યા હતા.