ભાજપ પ્રદેશ સંગઠન મહામંત્રીઓની આજથી નવી દિલ્હીમાં મહત્વની બેઠક

ભારતીય જનતા પાર્ટી (બીજેપી)ના રાજ્ય સંગઠન મહામંત્રીઓની મહત્વની બે દિવસીય બેઠક આજથી નવી દિલ્હીમાં શરૂ થઈ રહી છે. ભાજપ મુખ્યાલય વિસ્તરણ ખાતે યોજાનારી આ બેઠકમાં પ્રમુખ જેપી નડ્ડા, અને રાષ્ટ્રીય સંગઠન મહાસચિવ બીએલ સંતોષ હાજર રહેશે. આ બેઠકમાં લોકસભા ચૂંટણીના પરિણામોની, સમીક્ષા અને રાજ્યોમાં યોજાનારી આગામી ચૂંટણી અંગે ચર્ચા થવાની સંભાવના છે. સંગઠનના આગામી કાર્યક્રમો અંગે પણ ચર્ચા કરવામાં આવશે. આ પછી પ્રમુખની ચૂંટણી માટે જરૂરી સદસ્યતા અભિયાનની સાથે મતદારો સુધી સીધા પહોંચવાની રણનીતિ તૈયાર કરવામાં આવશે. સંગઠન મંત્રીઓની બેઠક બાદ શનિવાર-રવિવારે, ભાજપ શાસિત રાજ્યોના મુખ્યમંત્રીઓ અને પ્રદેશ પ્રમુખોની બેઠક યોજાશે.