ભારતનું ગીગ અર્થતંત્ર આગામી સમયમાં 9 કરોડ નોકરીઓનું સર્જન કરી શકે :અહેવાલ

ભારતની ગીગ ઈકોનોમી આવનારા સમયમાં 9 કરોડથી વધુ રોજગારીની તકો ઊભી કરી શકે છે. ગુરુવારે જાહેર કરાયેલા એક અહેવાલમાં આ માહિતી આપવામાં આવી છે.રિપોર્ટમાં વધુમાં કહેવામાં આવ્યું છે કે આનાથી ગ્રોસ ડોમેસ્ટિક પ્રોડક્ટ (જીડીપી)માં 1.25 ટકાનો વધારો થઈ શકે છે.

ભારતની ગીગ ઈકોનોમી આવનારા સમયમાં 9 કરોડથી વધુ રોજગારીની તકો ઊભી કરી શકે છે. ગુરુવારે જાહેર કરાયેલા એક અહેવાલમાં આ માહિતી આપવામાં આવી છે.રિપોર્ટમાં વધુમાં કહેવામાં આવ્યું છે કે આનાથી ગ્રોસ ડોમેસ્ટિક પ્રોડક્ટ (જીડીપી)માં 1.25 ટકાનો વધારો થઈ શકે છે.'ફોરમ ફોર પ્રોગ્રેસિવ ગિગ વર્કર્સ' રિપોર્ટમાં જણાવાયું છે કે ઈ-કોમર્સ, ટ્રાન્સપોર્ટેશન, ડિલિવરી સેવાઓ અને અન્યને ટેકો આપતી ગિગ ઈકોનોમી આગામી વર્ષોમાં 17 ટકાના ચક્રવૃદ્ધિ વાર્ષિક વૃદ્ધિ દરથી વધીને 455 બિલિયન ડોલર સુધી પહોંચવાની અપેક્ષા છે

ગિગ અર્થતંત્રે લાખો બિન-કૃષિ નોકરીઓનું સર્જન કર્યું છે, એકલા ઈ-કોમર્સથી 1.6 કરોડથી વધુ નોકરીઓ ઊભી થઈ છે.'ફોરમ ફોર પ્રોગ્રેસિવ ગિગ વર્કર્સ'ના કન્વીનર કે નરસિમ્હન કહે છે કે રિપોર્ટ મોટી કંપનીઓ અને ગિગ વર્કર્સ વચ્ચે વિકસતી ગતિશીલતાનું વિશ્લેષણ કરવાનો પ્રારંભિક પ્રયાસ રજૂ કરે છે. આ અહેવાલ આ ક્ષેત્રમાં પડકારો અને તકોને સમજવા માટે એક મૂલ્યવાન પ્રારંભિક બિંદુ છે.

ગીગ અર્થતંત્ર ભારતના આર્થિક વિકાસમાં મહત્વની ભૂમિકા ભજવશે અને રોજગારીનું સર્જન કરવામાં, આવકની અસમાનતા ઘટાડવા અને વિવિધ ક્ષેત્રોમાં નવીનતાને પ્રોત્સાહન આપવામાં મદદરૂપ થશે.કેન્દ્ર સરકારે ગિગ અને પ્લેટફોર્મ કામદારોને સામાજિક સુરક્ષા અને કલ્યાણ લાભો આપવાના હેતુ માટે એક માળખું ઘડવા માટે એક સમિતિની પણ રચના કરી છે.થોડા દિવસો પહેલા શ્રમ અને રોજગાર રાજ્ય મંત્રી શોભા કરંદલાજેએ લોકસભામાં એક લેખિત જવાબમાં જણાવ્યું હતું કે 'સોશિયલ સિક્યુરિટી કોડ-2020'માં ગીગ અને પ્લેટફોર્મ કામદારો માટે સામાજિક સુરક્ષા અને કલ્યાણ લાભો સંબંધિત જોગવાઈઓનો ઉલ્લેખ છે.

તેમણે કહ્યું કે કોડમાં જીવન અને વિકલાંગતા કવર, અકસ્માત વીમો, આરોગ્ય અને માતૃત્વ લાભો, વૃદ્ધાવસ્થાની સુરક્ષા વગેરેને લગતી બાબતો પર જીગ અને પ્લેટફોર્મ કામદારો માટે યોગ્ય સામાજિક સુરક્ષા પગલાં ઘડવાની જોગવાઈઓ છે. આ સંહિતા કલ્યાણ યોજનાને નાણા આપવા માટે સામાજિક સુરક્ષા ભંડોળની સ્થાપના માટે પણ જોગવાઈ કરે છે.