ભારત દિલ્હીમાં SCOના રાષ્ટ્રીય સુરક્ષા સલાહકારોની બેઠકનું આયોજન કરશે

રાષ્ટ્રીય સુરક્ષા સલાહકાર અજિત કુમાર ડોભાલ આ બેઠકની અધ્યક્ષતા કરશે.

ભારત દિલ્હીમાં શાંઘાઈ કોઓપરેશન ઓર્ગેનાઈઝેશન (SCO) ના રાષ્ટ્રીય સુરક્ષા સલાહકારો (NSA) ની બેઠકનું આયોજન કરશે. રાષ્ટ્રીય સુરક્ષા સલાહકાર અજિત કુમાર ડોભાલ આ બેઠકની અધ્યક્ષતા કરશે. મધ્ય એશિયા દેશોના અનેક ઉચ્ચ સ્તરીય પ્રતિનિધિ આ બેઠકમાં ભાગ લેશે.પાકિસ્તાન અને ચીન વર્ચ્યુઅલ રીતે જોડાય તેવી શક્યતા છે. આ બેઠકમાં અફઘાનિસ્તાનના ઘટનાક્રમ અને યૂરોપીય એશિયાઈ આર્થિક બ્લોક માટે રશિયાની યોજનાઓ પર ચર્ચા થઈ શકે છે. પ્રાદેશિક જોડાણ, ઉગ્રવાદ અને સરહદ પારના આતંકવાદ સંબંધિત મુદ્દાઓને આવરી લેવા માટે ચર્ચા થશે. શાંઘાઈ કોઓપરેશન ઓર્ગેનાઈઝેશનના સભ્યોમાં ચીન, ભારત, કજાખ્સ્તાન, કિર્ગિસ્તાન, રશિયા, પાકિસ્તાન, તાજિકિસ્તાન અને ઉજ્બેકિસ્તાન શામેલ છે.