ભારત 10 વર્ષમાં સંરક્ષણ ક્ષેત્રે આત્મનિર્ભર બન્યું-અશ્વિની વૈષ્ણવ

કેન્દ્રીય રેલ્વે મંત્રી અશ્વિની વૈષ્ણવે કહ્યું છે કે છેલ્લા 10 વર્ષમાં પ્રધાનમંત્રી નરેન્દ્ર મોદીના નેતૃત્વમાં ભારત સંરક્ષણ ક્ષેત્રે આત્મનિર્ભર બન્યું છે. ભારત પોતની જરૂરીયાતના સંરક્ષણ 70 ટકા સાધનોનું ઉત્પાદન કરે છે.

કેન્દ્રીય રેલ્વે મંત્રી અશ્વિની વૈષ્ણવે કહ્યું છે કે છેલ્લા 10 વર્ષમાં પ્રધાનમંત્રી નરેન્દ્ર મોદીના નેતૃત્વમાં ભારત સંરક્ષણ ક્ષેત્રે આત્મનિર્ભર બન્યું છે. ભારત પોતની જરૂરીયાતના સંરક્ષણ 70 ટકા સાધનોનું ઉત્પાદન કરે છે.

ભારતમાં સંરક્ષણ ઉત્પાદન રૂ. 1 લાખ કરોડને પાર કરી ગયું છે. સૌથી મોટી વાત એ છે કે ભારતમાં બનેલા સંરક્ષણ ઉપકરણોની 80 દેશોમાં નિકાસ કરવામાં આવે છે અને અત્યાર સુધીમાં 25 હજાર કરોડ રૂપિયાથી વધુના હથીયારોની નિકાસ કરવામાં આવી છે.તેમણે કારગિલ દિવસ પર અમર શહીદોને શ્રદ્ધાંજલિ અર્પણ કરી, અને સંરક્ષણ ક્ષેત્રે ભારતની વધતી આત્મનિર્ભરતા પર પણ ભાર મૂક્યો. ઈન્સ્ટાગ્રામ પર એક ફોટો પોસ્ટ કરીને તેણે લખ્યું કે તેણે બહાદુર જવાનોની હિંમત અને બલિદાનને શ્રદ્ધાંજલિ આપી.

તેમણે કહ્યું કે, 10 વર્ષ પહેલા ભારત બુલેટ પ્રુફ જેકેટ માટે વિદેશો પર નિર્ભર રહેતું હતું. પરંતુ, આજે ભારત આત્મનિર્ભર છે. ભારતે ડિઝાઇનમાં પણ નેતૃત્વ લીધું છે. સરહદી વિસ્તારમાં ઝડપથી રસ્તાઓ બનાવવામાં આવી રહ્યા છે. પ્રધાનમંત્રીના સહયોગથી ટેલિકોમ કનેક્ટિવિટી ઓપ્ટિકલ ફાઈબર નાખવાનું કામ ઝડપી થઈ રહ્યું છે. કોંગ્રેસના સમયે સ્થિતિ એવી હતી કે તેમના સંરક્ષણ મંત્રી કહેતા હતા કે રસ્તાઓ ન બનાવવા જોઈએ. આજે વડાપ્રધાન નરેન્દ્ર મોદીએ સરહદી વિસ્તારમાં 6800 કિલોમીટરથી વધુ બોર્ડર રોડ બનાવ્યા છે. અમારી સેના અને સંરક્ષણ દળો માટે સારી રેલવે કનેક્ટિવિટી સહિતની દરેક વસ્તુની વ્યવસ્થા કરવામાં આવી છે.

ભારતમાં કોંગ્રેસના શાસન દરમિયાન સરહદી સુરક્ષાના નામે માત્ર કૌભાંડો થયા હતા. ભારતીય જનતા પાર્ટી નેશન ફર્સ્ટ, ઓલવેઝ ફર્સ્ટના સિદ્ધાંતને અનુસરે છે. કારગિલ વિજય દિવસની 25મી વર્ષગાંઠ પર ભાજપના ધારાસભ્ય હરિભૂષણ ઠાકુરે કહ્યું કે આજે કારગિલ વિજય દિવસની 25મી વર્ષગાંઠ છે. ભારતના અમર શહીદ સૈનિકોએ પોતાની શહાદત આપીને મેળવેલી જીત પર આજે આખો દેશ ગર્વ અનુભવી રહ્યો છે.

અત્રે જણાવી દઈએ કે વર્ષ 1999માં આ દિવસે ભારતીય સેનાએ પાકિસ્તાનને જડબાતોડ જવાબ આપ્યો હતો અને કારગિલ યુદ્ધમાં જીત હાંસલ કરી હતી.