મણિપુરમાં ભૂકંપના આંચકા, 5.2 ની તીવ્રતા નોંધાઈ

બુધવારે મણિપુરમાં ભૂકંપના બે આંચકા અનુભવાયા હતા. ભૂકંપની તીવ્રતા રિક્ટર સ્કેલ પર 2.5 અને 5.2 માપવામાં આવી હતી. ભૂકંપ અનુભવ્યા બાદ લોકો પોતાના ઘરોમાંથી બહાર નીકળી ગયા હતા. નેશનલ સેન્ટર ફોર સિસ્મોલોજી (NCS) અનુસાર, 28 મે, 2025 ના રોજ સવારે 1:54 વાગ્યે (ભારતીય સમય) મણિપુરના ચુરાચંદપુર જિલ્લામાં 5.2 ની તીવ્રતાનો ભૂકંપ આવ્યો હતો. આ ભૂકંપનું કેન્દ્ર 24.46 ઉત્તર અક્ષાંશ અને 93.70 પૂર્વ રેખાંશ પર હતું, જેની ઊંડાઈ 40 કિલોમીટર હતી.

મણિપુરના નોની જિલ્લામાં સવારે 2:26 વાગ્યે બે આંચકા અનુભવાયા હતા, ભૂકંપની તીવ્રતા રિક્ટર સ્કેલ પર 2.5 અને 5.2 માપવામાં આવી હતી.

આના થોડા સમય પછી, મણિપુરમાં બીજી વખત ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી (NCS) અનુસાર, મણિપુરના નોની જિલ્લામાં સવારે 2:26 વાગ્યે (ભારતીય સમય મુજબ) 2.5 ની તીવ્રતાનો હળવો ભૂકંપ આવ્યો. આ ભૂકંપનું કેન્દ્ર નોની જિલ્લામાં 24.53 ઉત્તર અક્ષાંશ અને 93.50 પૂર્વ રેખાંશ પર હતું, જેની ઊંડાઈ 25 કિમી હતી.

અત્યાર સુધી ભૂકંપને કારણે જાનમાલના નુકસાનના કોઈ સમાચાર નથી

જોકે, આ ભૂકંપને કારણે જાનમાલના નુકસાનના કોઈ સમાચાર નથી. પરંતુ, સતત બે ભૂકંપને કારણે, મણિપુરના લોકો ગભરાઈ ગયા અને ઘરોમાંથી બહાર નીકળી ગયા. અગાઉ, 8 મે, 2025 ના રોજ રાત્રે 10:11 વાગ્યે (ભારતીય સમય મુજબ) મણિપુરના ચંદેલ જિલ્લામાં 3.6 ની તીવ્રતાનો ભૂકંપ આવ્યો હતો. નેશનલ સેન્ટર ફોર સિસ્મોલોજી અનુસાર, આ ભૂકંપનું કેન્દ્ર 24.19 ઉત્તર અક્ષાંશ અને 93.96 પૂર્વ રેખાંશ પર હતું, જેની ઊંડાઈ 10 કિમી હતી. આ ભૂકંપ હળવી તીવ્રતાનો હતો અને સ્થાનિક વિસ્તારોમાં અનુભવાયો હતો, પરંતુ કોઈ મોટા નુકસાન કે જાનહાનિના સમાચાર નોંધાયા નથી.

તાજેતરમાં, મ્યાનમારમાં એક વિનાશક ભૂકંપ આવ્યો હતો, જેના કારણે ઘણા લોકોએ જીવ ગુમાવ્યા હતા.

૪ ઓક્ટોબરે પણ મણિપુર-નાગાલેન્ડ સરહદી વિસ્તારમાં ભૂકંપના આંચકા અનુભવાયા હતા. અધિકારીઓએ કહ્યું હતું કે ભૂકંપની તીવ્રતા રિક્ટર સ્કેલ પર ૩.૬ માપવામાં આવી હતી. તમને જણાવી દઈએ કે મણિપુર મ્યાનમાર સાથે સરહદ ધરાવે છે. તાજેતરમાં, મ્યાનમારમાં એક વિનાશક ભૂકંપ આવ્યો હતો, જેના કારણે ઘણા લોકોએ જીવ ગુમાવ્યા હતા.