મહિલા સશક્તિકરણનું વધુ એક ઝળહળતું ઉદાહરણ: સુરેખા યાદવ

તેમણે લોકો પાઇલટ તરીકે ઘણી માલગાડી અને સબ અર્બન ટ્રેનનું સંચાલન કર્યું છે

સુરેખા યાદવ સેમી હાઈ સ્પીડ ટ્રેન વંદે ભારત એક્સપ્રેસ ચલાવતી પ્રથમ સ્ત્રી બની છે. સુરેખા યાદવ એશિયાની પ્રથમ મહિલા 'લોકો પાઈલટ' પણ છે. તેમણે લોકો પાઈલટ તરીકે 1988માં પાઇલોટિંગ શરૂ કર્યું હતું.

સુરેખાએ ગુજરાતમાં વંદે ભારત એક્સપ્રેસ માટે લોકો પાઈલટની તાલીમ લીધી હતી. આ સેમી ટ્રેન સોમવારે સોલાપુરથી છત્રપતિ શિવાજી મહારાજ ટર્મિનલ સ્ટેશન વચ્ચે ચલાવવામાં આવી હતી. આ આધુનિક ટ્રેનને ચલાવવાનો મોકો મળતા તેઓ ખૂબ જ ખુશ હતા.

સુરેખા યાદવ ચોત્રીસ વર્ષ પહેલા 1988માં પ્રથમ મહિલા ટ્રેન ડ્રાઈવર બની હતી. તેમણે લોકો પાઇલટ તરીકે ઘણી માલગાડી અને સબ અર્બન ટ્રેનનું સંચાલન કર્યું. વંદે ભારત એક્સપ્રેસ ચલાવવાની તાલીમ બરોડા ખાતે લીધી હતી. વાહન ચલાવવાનો ઇજારો જ્યારે કોઈ જાતિ પૂરતો સીમિત નથી ત્યારે, સુરેખાએ શક્ય તેટલી વધુ મહિલાઓને ટ્રેન શીખવાનો આગ્રહ કર્યો છે.

તાજેતરમાં શરૂ થયેલી ભારત એક્સપ્રેસ જ્યારે 13 માર્ચના રોજ સોલાપુર સ્ટેશનથી છત્રપતિ શિવાજી મહારાજ ગ્રાઉન્ડ પર પહોંચી ત્યારે તે તેના સમય કરતાં પાંચ મિનિટ પહેલા પહોંચી ગઈ હતી. ચારસો પચાસ કિલોમીટરની લાંબી સફર પૂરી કરીને સીએસએમટી સ્ટેશનના પ્લેટફોર્મ નંબર આઠ પર સુરેખા યાદવનું સન્માન કરવામાં આવ્યું હતું. આ કામ કરવાની તક માટે તેઓ વહીવટીતંત્ર અને ભારતીય રેલવેનો આભાર માને છે.

તેણીની સિદ્ધિઓ માટે રાજ્ય અને રાષ્ટ્રીય સ્તરે ઘણા પુરસ્કારો જીત્યા છે. હવે વંદે ભારત એક્સપ્રેસ ચલાવીને તેણે બતાવ્યું છે કે સ્ત્રી શક્તિ કંઈપણ કરી શકે છે.