રાષ્ટ્રપતિ દ્રૌપદી મુર્મુએ રાષ્ટ્રપતિ ભવનમાં નેતાજી સુભાષ ચંદ્ર બોઝને પુષ્પાંજલિ કરી અર્પણ

નેતાજી સુભાષ ચંદ્ર બોઝની જન્મજયંતિ 'પરાક્રમ દિવસ' તરીકે ઉજવવામાં આવે છે. રાષ્ટ્રપતિ દ્રૌપદી મુર્મુએ શુક્રવારે રાષ્ટ્રપતિ ભવનમાં પુષ્પાંજલિ અર્પણ કરીને નેતાજીને શ્રદ્ધાંજલિ આપી હતી.

નેતાજીને તેમની જન્મજયંતિ પર શ્રદ્ધાંજલિ આપતા ઉપરાષ્ટ્રપતિ સી.પી. રાધાકૃષ્ણને કહ્યું કે તેમનું નિર્ભય નેતૃત્વ, અદમ્ય હિંમત અને ભારતની સ્વતંત્રતા પ્રત્યેની અતૂટ પ્રતિબદ્ધતા એ બહાદુરીનું સાચું પ્રતીક છે, જે આવનારી પેઢીઓને પ્રેરણા આપતું રહેશે.

કેન્દ્રીય મંત્રી નીતિન ગડકરીએ પરાક્રમ દિવસની શુભેચ્છાઓ પાઠવી

કેન્દ્રીય મંત્રી નીતિન ગડકરીએ આઝાદ હિંદ ફોજના સ્થાપક અને મહાન સ્વાતંત્ર્ય સેનાની નેતાજી સુભાષ ચંદ્ર બોઝને શ્રદ્ધાંજલિ આપી અને પરાક્રમ દિવસની દેશવાસીઓને શુભેચ્છાઓ પાઠવી.

ઉત્તર પ્રદેશના મુખ્યમંત્રી યોગી આદિત્યનાથે નેતાજીને ભારત માતાના સાચા પુત્ર ગણાવ્યા

ઉત્તર પ્રદેશના મુખ્યમંત્રી યોગી આદિત્યનાથે નેતાજીને ભારત માતાના સાચા પુત્ર ગણાવતા કહ્યું કે આઝાદ હિંદ ફોજની સ્થાપના કરીને તેમણે સ્વતંત્રતા ચળવળને નવી દિશા આપી. તેમણે રાજ્યના લોકોને પરાક્રમ દિવસની શુભેચ્છાઓ પાઠવી.દિલ્હીના મુખ્યમંત્રી રેખા ગુપ્તાએ પણ નેતાજીને શ્રદ્ધાંજલિ આપતા કહ્યું કે તેમની હિંમત, બલિદાન અને નિશ્ચય ભારતીય ઇતિહાસમાં રાષ્ટ્રીય ગૌરવનું અવિસ્મરણીય પ્રતીક છે.