રાહુલ ગાંધીની ટીપ્પણીના જવાબમાં ભાજપે કર્યુ ટ્વિવટ

લોકોનું ધ્યાન પોતાની તરફ દોરવા રોજ અવનવા ગતકડા કરી રહ્યાં છે : ભાજપ

કોંગ્રેસ અધ્યક્ષ રાહુલ ગાંધીએ પ્રધાનમંત્રી નરેન્દ્ર મોદીના નમો એપ વિશે કરેલી ટીપ્પણીનો જવાબ ભારતીય જનતા પાર્ટીએ ટ્વિવટના માધ્યમથી આપ્યો છે. ટ્વિવટમાં જણાવ્યું હતું કે, આજકાલ રાહુલ ગાંધી શાનદાર ફોર્મમાં છે. તેઓ ટેક્નોલોજીના મુદ્દે તેમનું મહાન જ્ઞાન પીરસી રહ્યાં છે. ક્રેંબ્રિજ એનાલીટીકાના ખુલાસા બાદ રાહુલ ગાંધી એટલા ગભરાઈ ગયેલા છે કે તેઓ લોકોનું ધ્યાન અન્યત્ર દોરવા રોજ અવનવા ગતકડા કરી રહ્યાં છે, ક્યારેક ન્યાપાલીકા તો ક્યારેક નમો એપ પર બફાટ કરી રહ્યાં છે. વધુમાં ભાજપે જણાવ્યું કે, આ એપથી દેશના સામાન્ય નાગરીકો સીધ્ધા પ્રધાનમંત્રી સાથે જોડાઈ શકે છે.