રિઝર્વ બેંક ઓફ ઈન્ડિયા ડિજિટલ ટ્રાન્સફોર્મેશન એવોર્ડથી સન્માનિત

સેન્ટ્રલ બેંકિંગ લંડન દ્વારા RBIને ડિજિટલ ટ્રાન્સફોર્મેશન એવોર્ડથી સન્માનિત કરવામાં આવી છે. 'પ્રવાહ' અને 'સારથી' ડિજિટલ પહેલને કારણે પસંદગી કરવામાં આવી.

સેન્ટ્રલ બેંકિંગ લંડન દ્વારા ભારતીય રિઝર્વ બેંકને ડિજિટલ ટ્રાન્સફોર્મેશન એવોર્ડ 2025 એનાયત કરવામાં આવ્યો છે. 'પ્રવાહ' અને 'સારથી' ડિજિટલ પહેલ માટે RBIની પસંદગી કરવામાં આવી છે. જેનાથી સેન્ટ્રલ બેંકમાં કાગળનો ઉપયોગ ઓછો થયો છે.

RBIએ તેના X હેન્ડલ પર જાહેરાત કરી કે, સેન્ટ્રલ બેંકને ડિજિટલ ટ્રાન્સફોર્મેશન એવોર્ડ 2025 માટે પસંદ કરવામાં આવી છે.સેન્ટ્રલ બેંકે પોસ્ટમાં લખ્યું કે, "RBIને તેની ઇન-હાઉસ ડેવલપર ટીમ દ્વારા વિકસાવવામાં આવેલી 'પ્રવાહ' અને 'સારથી' સિસ્ટમ્સ સહિતની પહેલ માટે પુરસ્કાર અને માન્યતા આપવામાં આવી છે." એવોર્ડ સમિતિએ વાત પર ભાર મૂક્યો કે, બંને ડિજિટલ પહેલોએ કાગળ આધારિત સબમિશનનો ઉપયોગ ઘટાડ્યો છે, જેનાથી RBIની આંતરિક અને બાહ્ય પ્રક્રિયાઓમાં પરિવર્તન આવ્યું છે.

સેન્ટ્રલ બેંકે એક અખબારી નિવેદનમાં કહ્યું કે,  આ બંને પહેલ આ કાર્ય માટે મહત્ત્વપૂર્ણ રહી છે. સારથી પહેલ સાથે, RBIના તમામ આંતરિક કાર્યપ્રવાહ ડિજિટલ બન્યા છે. જાન્યુઆરી 2023માં લાઇવ થયેલી આ પહેલ સાથે કર્મચારીઓને દસ્તાવેજો સુરક્ષિત રીતે સંગ્રહિત અને શેર કરવાની સુવિધા મળી. સાથે જ રેકોર્ડ મેનેજમેન્ટમાં પણ સુધારો થયો. ડિજિટલ ટ્રાન્સફોર્મેશનનો બીજો તબક્કો મે 2024માં 'પ્રવાહ' ના રૂપમાં શરૂ કરવામાં આવ્યો, જેણે એકટર્નલ યુઝર્સ માટે RBIને નિયમનકારી અરજીઓ સબમિટ કરવા માટે એક ડિજિટલ માધ્યમ બનાવ્યું,

પ્રવાહ પોર્ટલ દ્વારા સબમિટ અને પ્રોસેસ્ડ કરાયેલા દસ્તાવેજો પછી સારથી ડેટાબેઝમાં પ્લગ કરવામાં આવે છે, જ્યાં તેમને આરબીઆઈ ઓફિસોમાં કેન્દ્રીયકૃત સાયબર સુરક્ષા સિસ્ટમ અને ડિજિટલ ટ્રેકિંગ સાથે ડિજિટલ રીતે હેન્ડલ કરી શકાય છે. સારથીને સફળતાપૂર્વક અપનાવવી સામાન્ય રીતે જરૂરી સહાયક માળખાંઓ સ્થાપિત કરવામાં ટીમના કામને કારણે છે. સિસ્ટમ બનાવતા પહેલા કર્મચારીઓની જરૂરિયાતોને સમજવા માટે IT ટીમે તેમની સાથે લાંબી સહયોગી પ્રક્રિયા હાથ ધરી હતી અને અપગ્રેડને આગળ ધપાવવા માટે દરેક વિભાગમાંથી વરિષ્ઠ 'નોડલ અધિકારીઓ' ની નિમણૂક કરી હતી.

ઓનલાઈન સારથી પાઠશાળા ('શાળા') યુઝર્સને સિસ્ટમથી પરિચિત થવામાં મદદ કરે છે અને પાઠશાળાને ઇન-પર્સન ટ્રેનિંગ સાથે શરૂ કરવામાં આવી હતી. વધુમાં, દરેક RBI ઓફિસમાં સારથી મિત્ર ('મિત્ર') છે જેઓ સિસ્ટમ સારી રીતે જાણે છે અને કોઈપણ સમસ્યામાં સહકર્મીઓની મદદ કરી શકે છે.