વર્લ્ડ એનર્જી કોન્ફરન્સ : IREDAના CMDએ કહ્યું- ભારત 2070 સુધીમાં નેટ જીરો ઉત્સર્જન હાંસલ કરવા તરફ આગળ વધી રહ્યું છે

ઈન્ડિયન રિન્યુએબલ એનર્જી ડેવલપમેન્ટ એજન્સી લિમિટેડ (IREDA) ના ચેરમેન અને મેનેજિંગ ડિરેક્ટર પ્રદીપ કુમાર દાસ પણ નેધરલેન્ડમાં ચાલી રહેલી વર્લ્ડ એનર્જી કોન્ફરન્સમાં ભાગ લીધો હતો. 

ચર્ચા દરમિયાન, CMD IREDA એ ઉર્જા સંક્રમણ તરફ ભારતની સફર વિશે માહિતી શેર કરી અને દેશમાં નવીનીકરણીય ઉર્જાને અપનાવવામાં IREDA ની મહત્વપૂર્ણ ભૂમિકાને રેખાંકિત કરી હતી.

દેશની સૌથી મોટી પ્યોર ગ્રીન ફાઇનાન્સિંગ NBFC તરીકે, IREDA ઊર્જા સંક્રમણને વેગ આપવા માટે મહત્વપૂર્ણ ભૂમિકા ભજવે છે. સીએમડીએ જોખમો ઘટાડવા અને નવીનીકરણીય ઉર્જા ક્ષેત્રમાં ખાનગી ક્ષેત્રની ભાગીદારીને પ્રોત્સાહિત કરવા નવીન નાણાકીય સાધનોના ઉપયોગ દ્વારા ઊર્જા સંક્રમણ પ્રોજેક્ટ્સ માટે ધિરાણની સુવિધામાં IREDAના પ્રયાસો પર ભાર મૂક્યો હતો.

વર્લ્ડ એનર્જી કોંગ્રેસ પેનલે વર્તમાન વૈશ્વિક ઉર્જા સંકટ અંગે પણ ચર્ચા કરી હતી. સીએમડીએ ઊર્જા સુરક્ષા સુનિશ્ચિત કરવા માટે વૈવિધ્યકરણ અને મજબૂત ઈન્ફ્રાસ્ટ્રક્ચરના મહત્વ પર ભાર મૂક્યો હતો. 

તેમણે મજબૂત પાવર નેટવર્ક દ્વારા પ્રાદેશિક બજારોને એકીકૃત કરવાના મહત્વ પર ભાર મૂક્યો હતો. તેઓએ બોન્ડ માર્કેટને મજબૂત કરવા અને વધારાના વૈશ્વિક અને સ્થાનિક રોકાણને પ્રોત્સાહન આપવા માટે સ્થાનિક પેન્શન અથવા વીમા ભંડોળમાંથી 4%-5% અસ્કયામતો અન્ડર મેનેજમેન્ટ (AUM) ને રિન્યુએબલ એનર્જી બોન્ડમાં ફાળવવાનો પ્રસ્તાવ પણ મૂક્યો હતો.