શું છે આ પ્લાઝ્મા ટૅક્નિક ? કોરોનાની સારવાર માટે ICMRએ જેની મંજૂરી આપી છે

આઇસીએમઆરએ કોરોના વાઇરસની સારવાર હાથ ધરવા માટે ત્રિવેન્દ્ર્મના મેડિકલ ઇન્સ્ટીટ્યુટ (એસસીટીઆઇએમએસટી)ને પ્લાઝ્મા ટ્રીટમેંટની મંજૂરી આપી દીધી છે.

કેરળનું કેરશ્રી ચિત્રા તિરુનલ ઇન્સ્ટિટ્યૂટ ફોર મેડિકલ સાયન્સ અને ટેક્નોલજી, COVID-19 રોગથી પીડિત દર્દીઓને નવીન સારવાર આપવા માટે હિંમતભર્યું પગલું ભરવા આગળ વધી રહ્યુ છે. ત્રિવેન્દ્રમ સ્થિત SCTIMSTએ ભારત સરકારના વિજ્ઞાન અને તકનીકી વિભાગ હેઠળ કાર્યરત મહત્વની સંસ્થા છે.

શું છે આ પ્લાઝ્મા ટૅક્નિક ?
આ તકનીક "કોન્વેલેસન્ટ-પ્લાઝ્મા થેરેપી" તરીકે ઓળખાય છે, આ સારવાર દ્વારા એક બીમાર વ્યકતીને કોરોના વાયરસથી સાજા થયેલ વ્યક્તિની મદદથી સાજો કરી શકાય છે. 
આ માટે આ ટેક્નિકમાં બીમાર વ્યક્તિની સારવાર માટે રિકવર થયેલ વ્યક્તિની  રોગપ્રતિકારક શક્તિનો ઉપયોગ કરવામાં આવે છે. આ  થેરાપીમાં બ્લડ ટ્રાન્સ્ફ્યુસનની મદદ લેવામાં આવે છે, જેના દ્વારા કોરોનાથી સાજા થયેલા વ્યકતીની એંટીબોડીને દર્દીના શરીરમાં દાખલ કરવામાં આવે છે. આ એંટીબોડી વાયરસ સામે લડી તેનો નાશ કરે છે.