MSMEs પાસે ભારતને $5 ટ્રિલિયન અર્થતંત્ર બનાવવાની ચાવી છે: ડૉ જીતેન્દ્ર સિંહ

નવી દિલ્હીમાં 'નર્ચરિંગ ઈનોવેશન એન્ડ એન્ટરપ્રેન્યોરશિપ: વેવિંગ ધ પાથ ફોર સ્મોલ બિઝનેસ સક્સેસ' વિષય પર એક સમિટને સંબોધતા ડૉ. સિંઘે જણાવ્યું હતું કે, સૂક્ષ્મ, નાના અને મધ્યમ ઉદ્યોગો (MSME) ભારતના અર્થતંત્ર માટે નિર્ણાયક સાબિત થઈ શકે છે કારણ કે આ ક્ષેત્રમાં આનુષંગિક એકમોનો સમાવેશ થાય છે, જે દેશના એકંદર ઔદ્યોગિક વિકાસમાં મોટો ફાળો આપે છે.

MSMEs એ ભારતના અર્થતંત્રની કરોડરજ્જુ સમાન છે, જે ભારતના જીડીપીમાં લગભગ 30% યોગદાન આપે છે અને 11 કરોડ ભારતીયો માટે રોજગારીની તકોનું સર્જન કરે છે. ડૉ. સિંઘે જણાવ્યું હતું કે પ્રધાનમંત્રી નરેન્દ્ર મોદીના નેતૃત્વમાં ભારત સૌથી ઝડપથી વિકસતી ઇનોવેશન આધારિત અર્થવ્યવસ્થા તરીકે ઉભરી રહ્યું છે, ત્યારે ઈ-કોમર્સ પ્લેટફોર્મ ખાનગી અને જાહેર ક્ષેત્ર વચ્ચેના સેતુ તરીકે મહત્વપૂર્ણ ભૂમિકા ભજવે છે. 

મંત્રીએ ઉજાગર કર્યું કે આજે આપણે વિશ્વની પાંચમી સૌથી મોટી અર્થવ્યવસ્થા છીએ અને આપણે ગ્લોબલ ઈનોવેશન ઈન્ડેક્સ રેન્કિંગમાં 40 સ્થાનની છલાંગ લગાવીને 40માં સ્થાને પહોંચ્યા છીએ. અમે ક્વોન્ટમ ટેક્નોલોજી, આર્ટિફિશિયલ ઈન્ટેલિજન્સ અને ટેક્નોલોજીના અન્ય ક્ષેત્રોમાં નોંધપાત્ર પ્રગતિ જોઈ છે. ભારત પહેલેથી જ ચઢાણ પર છે અને જ્યારે આપણે ભારતની આઝાદીના 100 વર્ષની ઉજવણી કરીશું ત્યારે આગામી અમૃતકાલ ટેક્નોલોજી, ઇનોવેશન અને આંત્રપ્રિન્યોરશિપ રોડમેપના મુખ્ય નિર્ણાયક વર્ષ બની રહેશે.