PM મોદીએ ગોંદિયા રોડ અકસ્માત પર દુઃખ વ્યક્ત કર્યું, આર્થિક મદદની જાહેરાત કરી

વડા પ્રધાન નરેન્દ્ર મોદીએ મહારાષ્ટ્રના ગોંદિયા જિલ્લામાં શુક્રવારે થયેલા માર્ગ અકસ્માત પર દુઃખ વ્યક્ત કર્યું છે. તેમણે અકસ્માતમાં જીવ ગુમાવનારા અને ઘાયલ થયેલા લોકોના પરિવારજનોને આર્થિક સહાયની પણ જાહેરાત કરી છે. પીએમ મોદીએ કહ્યું કે સ્થાનિક પ્રશાસન અસરગ્રસ્ત લોકોને તમામ સંભવ મદદ કરી રહ્યું છે.

વડા પ્રધાન નરેન્દ્ર મોદીએ મહારાષ્ટ્રના ગોંદિયા જિલ્લામાં શુક્રવારે થયેલા માર્ગ અકસ્માત પર દુઃખ વ્યક્ત કર્યું છે. તેમણે અકસ્માતમાં જીવ ગુમાવનારા અને ઘાયલ થયેલા લોકોના પરિવારજનોને આર્થિક સહાયની પણ જાહેરાત કરી છે. પીએમ મોદીએ કહ્યું કે સ્થાનિક પ્રશાસન અસરગ્રસ્ત લોકોને તમામ સંભવ મદદ કરી રહ્યું છે.

ગોંદિયામાં શુક્રવારે એક ભયાનક માર્ગ અકસ્માતમાં બસ પલટી જતાં નવ લોકોનાં મોત થયાં હતાં. આ અકસ્માતમાં અનેક મુસાફરો ગંભીર રીતે ઘાયલ થયા છે. ગોંદિયા-કોહમારા સ્ટેટ હાઈવે પર ખજરી ગામ પાસે આ અકસ્માત થયો હતો.

PM મોદીના કાર્યાલયે શુક્રવારે સત્તાવાર સોશિયલ મીડિયા પ્લેટફોર્મ X પર પોસ્ટ કર્યું, "મહારાષ્ટ્રના ગોંદિયામાં બસ દુર્ઘટનામાં જાનહાનિથી હું દુખી છું. જે લોકોએ પોતાના પ્રિયજનોને ગુમાવ્યા છે તેમના પ્રત્યે સંવેદના વ્યક્ત કરુ છુ. હું ઘાયલોના ઝડપથી સ્વસ્થ થવાની કામના કરું છું. સ્થાનિક વહીવટીતંત્ર અસરગ્રસ્ત લોકોને મદદ કરી રહ્યું છે.પોસ્ટમાં આગળ લખવામાં આવ્યું છે કે, “અકસ્માતમાં જીવ ગુમાવનારા દરેક મૃતકના નજીકના સંબંધીઓને પ્રધાનમંત્રી રાહત ફંડમાંથી 2 લાખ રૂપિયા અને ઘાયલોને 50,000 રૂપિયા આપવામાં આવશે. ,

અગાઉ, મહારાષ્ટ્રના કાર્યવાહક મુખ્ય પ્રધાન એકનાથ શિંદેએ અકસ્માત અંગે દુઃખ વ્યક્ત કર્યું હતું અને પીડિતોને તાત્કાલિક રૂ. 10 લાખની સહાયની જાહેરાત કરી હતી.ગોંદિયા રોડ અકસ્માત પર રાજ્યના કાર્યવાહક ડેપ્યુટી સીએમ દેવેન્દ્ર ફડણવીસે સોશિયલ મીડિયા પ્લેટફોર્મ પર લખ્યું કે હું તેમના પરિવારને મારી શ્રદ્ધાંજલિ આપું છું અને જો તેમને ખાનગી હોસ્પિટલમાં સારવાર કરાવવાની હોય, તો મેં તેમને તાત્કાલિક કરવાની સૂચના આપી છે. કલેક્ટરને જો જરૂરી હોય તો તેમને નાગપુર ખસેડવાની વ્યવસ્થા કરવા જણાવ્યું છે.