PM મોદીએ ડૉ.ભીમરાવ આંબેડકરના 70માં મહાપરિનિર્વાણ દિવસ પર શ્રદ્ધાંજલિ આપી

વડાપ્રધાન નરેન્દ્ર મોદીએ આજે શનિવારે નવી દિલ્હી સ્થિત સંસદ ભવનમાં ડૉ. બાબાસાહેબ ભીમરાવ આંબેડકરને તેમના મહાપરિનિર્વાણ દિવસ પર શ્રદ્ધાંજલિ અર્પણ કરી. પીએમ મોદીએ સોશિયલ મીડિયા પ્લેટફોર્મ 'એક્સ' પર લખ્યું કે, "મહાપરિનિર્વાણ દિવસ પર ડૉ. બાબાસાહેબ આંબેડકરને યાદ કરતા. ન્યાય, સમાનતા અને બંધારણીય મૂલ્યો પ્રત્યેનું તેમનું અતૂટ સમર્પણ આપણી રાષ્ટ્રીય યાત્રાને સતત દિશા આપે છે. તેઓ પેઢીઓને માનવ ગૌરવ અને લોકતાંત્રિક મૂલ્યોને મજબૂત કરવાની પ્રેરણા આપે છે. વિકસિત ભારતના નિર્માણની દિશામાં તેમના આદર્શો સદૈવ આપણો માર્ગ પ્રકાશિત કરતા રહેશે."

વડાપ્રધાન નરેન્દ્ર મોદીએ આજે શનિવારે નવી દિલ્હી સ્થિત સંસદ ભવનમાં ડૉ. બાબાસાહેબ ભીમરાવ આંબેડકરને તેમના મહાપરિનિર્વાણ દિવસ પર શ્રદ્ધાંજલિ અર્પણ કરી. પીએમ મોદીએ સોશિયલ મીડિયા પ્લેટફોર્મ 'એક્સ' પર લખ્યું કે, "મહાપરિનિર્વાણ દિવસ પર ડૉ. બાબાસાહેબ આંબેડકરને યાદ કરતા. ન્યાય, સમાનતા અને બંધારણીય મૂલ્યો પ્રત્યેનું તેમનું અતૂટ સમર્પણ આપણી રાષ્ટ્રીય યાત્રાને સતત દિશા આપે છે. તેઓ પેઢીઓને માનવ ગૌરવ અને લોકતાંત્રિક મૂલ્યોને મજબૂત કરવાની પ્રેરણા આપે છે. વિકસિત ભારતના નિર્માણની દિશામાં તેમના આદર્શો સદૈવ આપણો માર્ગ પ્રકાશિત કરતા રહેશે."

કાર્યક્રમની શરૂઆત રાષ્ટ્રપતિ દ્રૌપદી મુર્મુ, ઉપરાષ્ટ્રપતિ સી.પી. રાધાકૃષ્ણન, વડાપ્રધાન નરેન્દ્ર મોદી, લોકસભા અધ્યક્ષ ઓમ બિરલા, લોકસભામાં વિપક્ષના નેતા રાહુલ ગાંધી, સંસદીય કાર્ય મંત્રી કિરેન રિજિજૂ, ઘણા સાંસદો અને અન્ય મહાનુભાવો દ્વારા પુષ્પાંજલિ અર્પણ કરવાથી થઈ. તમામ અતિથિઓ સવારના VIP સત્રમાં સામેલ થયા.

રાહુલ ગાંધીએ પણ 'એક્સ' પર શ્રદ્ધાંજલિ સંદેશ શેર કરતા લખ્યું કે, "બાબાસાહેબ આંબેડકરને વિનમ્ર શ્રદ્ધાંજલિ. સમાનતા, ન્યાય અને માનવ ગૌરવની તેમની વિરાસત મને સંવિધાનની રક્ષા માટે વધુ દૃઢ બનાવે છે અને એક સમાવેશી (Inclusive) અને કરુણામય ભારતનાં નિર્માણ માટે પ્રેરિત કરે છે."

રાજસ્થાનના મુખ્યમંત્રી ભજનલાલ શર્માએ પણ ડૉ. આંબેડકરને તેમની પુણ્યતિથિ પર પુષ્પાંજલિ અર્પણ કરી.

આ વર્ષનો મહાપરિનિર્વાણ દિવસ ડૉ. આંબેડકર ફાઉન્ડેશન (DAF) દ્વારા સામાજિક ન્યાય અને અધિકારિતા મંત્રાલય વતી સંસદ ભવન પરિસર સ્થિત પ્રેરણા સ્થળ પર મનાવવામાં આવ્યો. કાર્યક્રમ દરમિયાન લોકો માટે ડૉ. આંબેડકરની પ્રતિમા પર શ્રદ્ધા સુમન અર્પણ કરવા માટે સંપૂર્ણ પરિસર ખોલવામાં આવ્યું. હજારો લોકોએ આવીને પોતાની શ્રદ્ધાંજલિ આપી. ડૉ. આંબેડકર ફાઉન્ડેશન દ્વારા શ્રદ્ધાળુઓની સુવિધા માટે એક સ્ટોલ પણ લગાવવામાં આવ્યો હતો, જ્યાં તેઓ પોતાનો સામાન સુરક્ષિત રાખી શકતા હતા. આ દરમિયાન 25 બૌદ્ધ ભિક્ષુઓ દ્વારા બૌદ્ધ મંત્રોચ્ચાર સાથે ડૉ. આંબેડકરને શ્રદ્ધા-સુમન અર્પણ કરવામાં આવ્યા, જેનાથી કાર્યક્રમનો માહોલ વધુ ભાવપૂર્ણ બની ગયો.

ડૉ. આંબેડકર ફાઉન્ડેશન (DAF) એક સ્વાયત્ત સંસ્થા છે, જેની સ્થાપના 24 માર્ચ 1992ના રોજ કરવામાં આવી હતી. તેનો ઉદ્દેશ બાબાસાહેબ આંબેડકરના વિચારો અને આદર્શોને સમગ્ર દેશમાં પ્રસારિત કરવાનો છે. આ સંસ્થા સામાજિક ન્યાય અને અધિકારિતા મંત્રાલય હેઠળ કામ કરે છે અને ડૉ. આંબેડકરની વિચારધારાને પ્રોત્સાહન આપવા માટે ઘણા રાષ્ટ્રીય કાર્યક્રમોનું સંચાલન કરે છે.