PM મોદી આજે બેંગલુરુમાં 3 નવી વંદે ભારત ટ્રેનને બતાવશે લીલી ઝંડી, યલો મેટ્રો લાઇનનું ઉદ્ઘાટન કરશે

પીએમ મોદી બેંગલુરુના કેએસઆર રેલ્વે સ્ટેશનથી ત્રણ નવી વંદે ભારત એક્સપ્રેસ ટ્રેનોને લીલી ઝંડી આપશે જે દેશના અનેક રાજ્યોને જોડશે. આમાં બેંગલુરુ-બેલાગવી વંદે ભારત એક્સપ્રેસ, અમૃતસર-શ્રી માતા વૈષ્ણો દેવી કટરા વંદે ભારત એક્સપ્રેસ અને નાગપુર (અજની)-પુણે વંદે ભારત એક્સપ્રેસ ટ્રેનનો સમાવેશ થાય છે.

પ્રધાનમંત્રી નરેન્દ્ર મોદી રવિવારે કર્ણાટક મુલાકાત દરમિયાન બેંગલુરુ અને દેશના વિવિધ ભાગો માટે 23,000 કરોડ રૂપિયાથી વધુના શહેરી જોડાણ પ્રોજેક્ટ્સનું ઉદ્ઘાટન અને શિલાન્યાસ કરશે. તેઓ બેંગલુરુ મેટ્રો યલો લાઇનને લીલી ઝંડી આપશે અને આરવી રોડ (રાગીગુડ્ડા) થી ઇલેક્ટ્રોનિક સિટી મેટ્રો સ્ટેશન સુધી મેટ્રોની સવારી પણ કરશે. બપોરે લગભગ 1 વાગ્યે તેઓ શહેરી જોડાણ પ્રોજેક્ટ્સનું ઉદ્ઘાટન અને શિલાન્યાસ કરશે. 

બેંગલુરુમાં શહેરી કનેક્ટિવિટી પ્રોજેક્ટ્સનું ઉદ્ઘાટન અને શિલાન્યાસ કર્યા પછી તેઓ એક જાહેર સભાને સંબોધિત કરશે. આ દરમિયાન તેઓ રૂપિયા 15,610 કરોડ રૂપિયાથી વધુના ખર્ચે બેંગલુરુ મેટ્રો પ્રોજેક્ટના ત્રીજા તબક્કાનો શિલાન્યાસ કરશે. પ્રોજેક્ટની કુલ લંબાઈ 44 કિમીથી વધુ હશે અને તેમાં 31 એલિવેટેડ સ્ટેશન હશે.

પીએમ મોદી બેંગલુરુના કેએસઆર રેલ્વે સ્ટેશનથી ત્રણ નવી વંદે ભારત એક્સપ્રેસ ટ્રેનોને લીલી ઝંડી આપશે જે દેશના અનેક રાજ્યોને જોડશે. આમાં બેંગલુરુ-બેલગામ વંદે ભારત એક્સપ્રેસ, અમૃતસર-શ્રી માતા વૈષ્ણો દેવી કટરા વંદે ભારત એક્સપ્રેસ અને નાગપુર (અજની)-પુણે વંદે ભારત એક્સપ્રેસ ટ્રેનનો સમાવેશ થાય છે.