Submitted by developer on
1. કેંદ્રીય સૂચના અને પ્રસારણ મંત્રી અનુરાગ ઠાકુરના હસ્તે આજે આઝાદીના અમૃત મહોત્સવ અંર્તગત આઇકોનિક સપ્તાહનો કરાશે પ્રારંભ. નવા ભારતની અદભૂત યાત્રાની જોવા મળશે ઝલક....સ્વતંત્રતા સંગ્રામના ગુમનામ ચહેરાઓ અને સ્વતંત્રતા સેનાનીઓના બહુમૂલ્ય યોગદાનને કરાશે યાદ.
2. અફઘાનિસ્તાનમાંથી ભારતીયોને સુરક્ષિત પરત લાવવાની કામગીરી યથાવત. આજે અફઘાનિસ્તાનથી વધુ 146 લોકોને લવાશે ભારત. ગઇકાલે ભારતીયો સહિત 186 નાગરિકોને લઇને ભારત પહોંચ્યું હતું વાયુસેનાનું વિમાન.
3. ઉત્તરપ્રદેશના પૂર્વ મુખ્યમંત્રી કલ્યાણસિંહના આજે નરૌરામાં ગંગાઘાટ પર કરાશે અંતિમ સંસ્કાર. ગૃહમંત્રી અમિત શાહ, સંરક્ષણ મંત્રી રાજનાથ સિંહ સહિતના દિગ્ગજો રહેશે હાજર. અંતિમ દર્શન માટે અહલ્યાબાઇ સ્ટેડિયમમાં રખાયો પાર્થિવ દેહ.
4. 160 દિવસ બાદ દેશમાં ઘટ્યા કોરોનાના કેસ...24 કલાકમાં નોંધાયા 25 હજાર 72 દર્દી. જ્યારે 155 દિવસ બાદ સક્રિય કેસ ઘટીને 3 લાખ 33 હજાર પર પહોંચ્યા. અત્યાર સુધી 58 કરોડ 25 લાખ લોકોને અપાઇ વેક્સીન.
5. રાજ્યમાં કોરોનાનું સંક્રમણ નિયંત્રણમાં. ગઇકાલે કોરોનાના નવા 15 કેસ સામે 17 દર્દી થયા સાજા. રિકવરી રેટ થયો 98.76 ટકા. ગઇ કાલે રક્ષાબંધન હોવાથી વેક્સિનેશનની કામગીરી રહી બંધ.
6. રાજ્ય સરકારે તબીબી અધ્યાપકોને આપી ભેટ. રાજ્ય સરકારની હોસ્પિટલમાં ફરજ બજાવતા ઈન સર્વિસ ડોક્ટરો અને GMERSની મેડિકલ કોલેજોમાં ફરજ બજાવતા અધ્યાપક,તબીબોને સાતમાં પગાર પંચ મુજબ નોન પ્રેક્ટિસિંગ એલાઉન્સ આપવાની આરોગ્ય મંત્રી નીતિન પટેલની જાહેરાત.
7. રાજ્ય સરકારની 'સ્કીમ ઓફ ડેવલોપિંગ હાઇ ક્વાલિટી રિસર્ચ' યોજના પીએચડીના વિદ્યાર્થીઓ માટે બની આશીર્વાદ. પાટણની હેમચંદ્રચાર્ય ઉત્તર ગુજરાત યુનિવર્સિટીના 140 વિદ્યાર્થી પૈકી 134 વિદ્યાર્થીઓએ લીધો લાભ. દર મહિને 15 હજારનું અપાય છે સ્ટાઇપેન્ડ..તો વર્ષે ખર્ચ પેટે 20 હજાર સુધીની સહાય.....
8. આજે શ્રાવણ મહિનાનો ત્રીજો સોમવાર. કોરોનાની ગાઇડલાઇનના પાલન સાથે સોમનાથ મંદિરમાં દર્શન માટે ઉમટી રહ્યાં છે ભક્તો. મહિસાગરનું પૌરાણિક લુણેશ્વર મહાદેવ મંદિર હર-હર મહાદેવના નાંદથી ગૂંજી ઉઠ્યું..તો, જામનગરના શિવાલયોમાં વિશેષ પૂજા-અર્ચના..
9. વિશ્વ અંડર ટ્વેન્ટી એથલેટિક્સ ચેમ્પિયનશીપમાં ભારતને મળ્યો સિલ્વર મેડલ. લાંબી કુદમાં શૈલી સિંહે મારી બાજી..ચાલુ વર્ષે ભારતે જીત્યો ત્રીજો મેડલ...તો,આવતીકાલથી ટોક્યોમાં પેરાઓલંપિકનો થશે પ્રારંભ. ભારત વતી પહેલીવાર 54 ખેલાડીઓ લઇ રહ્યાં છે ભાગ.
