નવસારીના શ્રી સાંઈ મંદિરમાં સમાધિ શતાબ્દી નિમિત્તે વિશેષ ઉજવણી કરાઇ

૩ કરોડના ખર્ચે નિર્માણ પામેલ ભવ્ય ભોજનાલયનું કરાયું લોકાર્પણ.

દક્ષિણ ગુજરાતનાં પ્રસિદ્ધ નવસારી સિસોદ્રા શ્રી સાંઈ મંદિરમાં સમાધિ શતાબ્દી નિમિત્તે રામનવમીના પ્રવિત્ર દિવસે વિશેષ ઉજવણી કરવામાં આવી હતી. ઉપરાંત રૂપિયા ૩ કરોડના ખર્ચે નિર્માણ પામેલ ભવ્ય ભોજનાલયનું લોકાર્પણ ગુજરાતી ગઝલ સમ્રાટ મનહર ઉઘાસ, નવસારીના ધારાસભ્ય પીયુષ દેસાઈ અને માજી મંત્રી મગુભાઈ પટેલ દ્વારા કરવામાં આવ્યું હતું. આ પ્રસંગે મોટી સંખ્યામાં સાઈ ભકતો ઉપસ્થિત રહ્યાં હતા. સાંઈ બાબા ભુખ્યાને ભોજન આપતા અને બાદમાં તેઓ ભોજન ગ્રહણ કરતા હતા. આ ઉદેશ્યથી નવસારી શ્રી સાંઈ મંદિર ખાતે પણ દર ગુરુવારે હજારો સાંઈ ભક્તોને વિના મુલ્યે મહાપ્રસાદ આપવામાં આવે છે.