સુરેન્દ્રનગર જિલ્લામાં ‘આઝાદી કા અમૃત મહોત્સવ' અંતર્ગત સાઇકલ રેલીનું આયોજન

આઝાદીના ૭૫ વર્ષ પૂર્ણ થવા નિમિત્તે સમગ્ર દેશમાં ‘આઝાદી કા અમૃત મહોત્સવ” અંતર્ગત વિવિધ કાર્યક્રમો અને સ્પર્ધાઓનું આયોજન કરવામાં આવી રહ્યું છે, ત્યારે સુરેન્દ્રનગર જિલ્લામાં જિલ્લા રમત પ્રશિક્ષણ કેન્દ્ર – લીંબડી દ્વારા ભાઈઓ તથા બહેનોની બે અલગ અલગ સાઇકલ રેલીનું આયોજન કરવામાં આવ્યું હતું, જે અંતર્ગત ભાઇઓની સાઇકલ રેલીનું આયોજન કલેકટર કચેરી - સુરેન્દ્રનગર ખાતેથી કરવામાં આવ્યું હતું. જ્યારે બહેનોની સાઇકલ રેલીનું આયોજન સ્પોર્ટસ કોમ્પલેક્ષ – લીંબડી ખાતેથી કરવામાં આવ્યું હતું.

તો છોટાઉદેપુર જિલ્લાના  ૬૦ વર્ષથી ઉપરના સિનિયર સીટીઝનની સાત સ્પર્ધાઓ જેવી કે શુટીંગ વોલીબોલ, યોગાસન, ચેસ, કેરમ, રસ્સાખેંચ, ટેનિસબોલ ક્રિકેટ તથા એથ્લેટીક્સ સ્પર્ધાઓનું જિલ્લાકક્ષાએ સપ્ટેમ્બર-૨૦૨૧ સુધીમાં આયોજન કરવામાં આવનાર છે. જેમાં ભાગ લેવા ઇચ્છતા સિનિયર સીટીઝન ભાઇઓ/બહેનોએ નિયત નમુનાનું પ્રવેશપત્ર જિલ્લા રમતગમત અધિકારીની કચેરી છોટાઉદેપુર, એફ-૫, પ્રથમ માળ, જિલ્લા સેવા સદન, છોટાઉદેપુર  ખાતેથી મેળવી 6 સપ્ટેમ્બર સુધીમાં ભરી  મોકલી આપવાનું રહેશે.