સોમનાથ મહાદેવને શ્રાવણના ત્રીજા સોમવારે ખાસ ચંદન શૃંગાર

સોમનાથ મહાદેવને શ્રાવણના ત્રીજા સોમવારે ખાસ ચંદન શૃંગાર

પવિત્ર શ્રાવણ માસના ત્રીજા સોમવારે આદિ જ્યોતિર્લિંગ સોમનાથ મહાદેવને વિશેષ ચંદન શૃંગારથી સુશોભિત કરવામાં આવ્યા હતા. આ શૃંગાર દ્વારા મહાદેવને ચંદનની શીતળતા અર્પણ કરવામાં આવી હતી. આ વિશેષ શૃંગાર પાછળનો મુખ્ય હેતુ વિશ્વ શાંતિ અને કલ્યાણનો ભાવ રહ્યો હતો.

આ શૃંગાર પૂજારી વૃંદ દ્વારા તૈયાર કરવામાં આવ્યો હતો, જેમાં ચંદન ઉપરાંત ગુલાબ, ગલગોટા, મોગરા સહિતના વિવિધ પુષ્પો અને ફૂલહારનો ઉપયોગ કરવામાં આવ્યો હતો. ભક્તોએ મહાદેવના આ મનોહર સ્વરૂપના દર્શન કરી પૂજન-અર્ચન કરીને ધન્યતા અનુભવી હતી.

શ્રાવણના આ ખાસ દિવસે, મોટી સંખ્યામાં ભક્તોએ પૂજા-વિધિનો લાભ લીધો હતો. આ દિવસે 45 ધ્વજાપૂજન, 62 સોમેશ્વર મહાપૂજન અને 715 રુદ્રાભિષેક પૂજા-પાઠ કરવામાં આવ્યા હતા. આ પૂજા-પાઠમાં ભાગ લઈને ભક્તોએ મહાદેવના આશીર્વાદ પ્રાપ્ત કર્યા હતા.