ચેન્નાઈ સુપર કિંગ્સે ગુજરાત ટાઇટન્સને આપ્યો મોટો ઝટકો, 83 રનથી હરાવ્યું

પાંચ વિકેટે ૨૩૦ રનનો મજબૂત સ્કોર નોંધાવ્યા બાદ, ચેન્નાઈએ ગુજરાતને ૧૮.૩ ઓવરમાં ૧૪૭ રનમાં રોકી દીધું. ગુજરાત ટોચના બેમાં સ્થાન મેળવવાના લક્ષ્ય સાથે મેચમાં ઉતર્યું હતું પરંતુ ચેન્નાઈએ તેમને પાંચમી હાર આપી. ગુજરાતનો ૧૪ મેચમાં આ પાંચમો પરાજય હતો જ્યારે ચેન્નઈએ ૧૪ મેચમાં ચોથી જીત સાથે પોતાના અભિયાનનો અંત કર્યો.

ડેવાલ્ડ બ્રુઇસ (57) અને ડેવોન કોનવે (52) ની શાનદાર અડધી સદી અને અંશુલ કંબોજ (13 રનમાં ત્રણ વિકેટ) અને નૂર અહેમદ (21 રનમાં ત્રણ વિકેટ) ની શાનદાર બોલિંગને કારણે ચેન્નાઈ સુપર કિંગ્સે રવિવારે નરેન્દ્ર મોદી સ્ટેડિયમ ખાતે રમાયેલી IPL મેચમાં ગુજરાત ટાઇટન્સને 83 રનથી હરાવ્યું.

પાંચ વિકેટે ૨૩૦ રનનો મજબૂત સ્કોર નોંધાવ્યા બાદ, ચેન્નાઈએ ગુજરાતને ૧૮.૩ ઓવરમાં ૧૪૭ રનમાં રોકી દીધું. ગુજરાત ટોચના બેમાં સ્થાન મેળવવાના લક્ષ્ય સાથે મેચમાં ઉતર્યું હતું પરંતુ ચેન્નાઈએ તેમને પાંચમી હાર આપી. ગુજરાતનો ૧૪ મેચમાં આ પાંચમો પરાજય હતો જ્યારે ચેન્નઈએ ૧૪ મેચમાં ચોથી જીત સાથે પોતાના અભિયાનનો અંત કર્યો.

જોકે આ હાર છતાં ગુજરાત હજુ પણ ૧૮ પોઈન્ટ સાથે ટોચ પર છે પરંતુ પંજાબ કિંગ્સ અને આરસીબી પાસે ગુજરાતને પાછળ છોડી દેવાની તક છે કારણ કે તેમના ૧૭-૧૭ પોઈન્ટ છે. પોતાની છેલ્લી મેચોમાં પંજાબનો મુકાબલો મુંબઈ ઈન્ડિયન્સ સામે થશે અને આરસીબીનો મુકાબલો સનરાઇઝર્સ હૈદરાબાદ સામે થશે. પોઈન્ટ ટેબલમાં પંજાબ બીજા ક્રમે, આરસીબી ત્રીજા ક્રમે અને મુંબઈ ૧૬ પોઈન્ટ સાથે ચોથા ક્રમે છે. મુંબઈની રન રેટ સ્થિતિ અન્ય ત્રણ પ્લેઓફ ટીમો કરતાં સારી છે અને છેલ્લી મેચમાં જીત તેમને નંબર વન સ્થાન પર લઈ જઈ શકે છે.

ચેન્નાઈની ટીમ જીતી ગઈ પણ આ પહેલી વાર છે જ્યારે તેઓ પોઈન્ટ ટેબલમાં સૌથી નીચે રહીને સીઝનનો અંત કરી રહ્યા છે. જોકે નિરાશાજનક સિઝનનો અંત જીત સાથે કરવો તેમના માટે મોટી રાહત હશે. આજની મેચમાં તેણે સારી બેટિંગ કરી, સારી ફિલ્ડિંગ કરી અને તેની બોલિંગ યોજના પણ ખૂબ જ સ્પષ્ટ હતી. બીજી બાજુ આ હાર GT માટે મુશ્કેલીનું કારણ બની શકે છે. હવે તેમને ટોપ 2 માં પહોંચવા માટે અન્ય ટીમોના પરિણામો પર નજર રાખવી પડશે.

આશ્ચર્યજનક રીતે છેલ્લી ચાર મેચોમાં પ્લેઓફમાં સ્થાન મેળવનારી ચારેય ટીમોને હારનો સામનો કરવો પડ્યો હતો. દિલ્હી કેપિટલ્સે પંજાબ કિંગ્સને છ વિકેટથી, સનરાઇઝર્સ હૈદરાબાદે રોયલ ચેલેન્જર્સ બેંગ્લોરને 42 રને અને લખનૌ સુપર જાયન્ટ્સે ગુજરાત ટાઇટન્સને 33 રને હરાવ્યું. ગુજરાતને સતત બીજી મેચમાં ચેન્નાઈ સુપર કિંગ્સ સામે 83 રનથી હારનો સામનો કરવો પડ્યો. આનો અર્થ એ થયો કે ટોચની ચાર ટીમો પ્લેઓફમાંથી બહાર થઈ ગયેલી ટીમો સામે સતત ચાર મેચ હારી ગઈ.

ગુજરાત માટે ઓપનર સાઈ સુદર્શને આ મેચમાં સૌથી વધુ 41 રન બનાવ્યા જ્યારે કેપ્ટન શુભમન ગિલ 13 રન બનાવીને આઉટ થયો. શાહરૂખ ખાને ૧૯, રાહુલ તેવતિયાએ ૧૪ અને રાશિદ ખાને ૧૨ રન બનાવ્યા હતા. અરશદ ખાને ૧૪ બોલમાં ત્રણ છગ્ગાની મદદથી ૨૦ રનનું યોગદાન આપ્યું. ચેન્નાઈ તરફથી કંબોજ અને નૂરે ત્રણ-ત્રણ વિકેટો ઉપરાંત, રવિન્દ્ર જાડેજાએ બે, ખલીલ અહેમદ અને મથીશા પથિરાનાએ એક-એક વિકેટ લીધી.

આ પહેલા આજે CSK દ્વારા બતાવેલ બેટિંગે તેની જીતનો પાયો નાખ્યો. બીજી ઓવરમાં જ 28 રન બનાવીને મ્હાત્રેએ પોતાનો ઇરાદો સ્પષ્ટ કરી દીધો. ઉર્વિલ પટેલ અને શિવમ દુબેએ પણ આક્રમક અભિગમ અપનાવ્યો. ડેવોન કોનવેએ અડધી સદી ફટકારી હતી પણ તે થોડો ધીમો હતો. અંતે બીજા એક યુવા બેટ્સમેન બ્રેવિસે માત્ર 19 બોલમાં ફિફ્ટી ફટકારી. તેની વિસ્ફોટક ઇનિંગ્સને કારણે, CSK એ 230 રનનો મજબૂત સ્કોર બનાવ્યો.

ચેન્નાઈની ઇનિંગમાં ૧૮ ચોગ્ગા અને ૧૫ છગ્ગાનો સમાવેશ થતો હતો, જે દર્શાવે છે કે સીએસકેના બેટ્સમેનોએ કેટલી ઝડપથી બેટિંગ કરી હતી. યુવા બેટ્સમેન આયુષ મ્હાત્રેએ 17 બોલમાં ત્રણ ચોગ્ગા અને ત્રણ છગ્ગાની મદદથી 34 રન બનાવ્યા. કોનવેએ ૩૫ બોલમાં છ ચોગ્ગા અને બે છગ્ગાની મદદથી ૫૨ રન ફટકાર્યા. ઉર્વિલ પટેલે ૧૯ બોલમાં ચાર ચોગ્ગા અને બે છગ્ગાની મદદથી ૩૭ રન બનાવ્યા. શિવમ દુબેએ આઠ બોલમાં ૧૭ રનમાં બે છગ્ગા ફટકાર્યા. સૌથી ખતરનાક બેટિંગ બ્રેવિસના બેટથી આવી, જેમણે છેલ્લા બોલ પર આઉટ થયા પહેલા 23 બોલમાં 57 રનમાં ચાર ચોગ્ગા અને પાંચ છગ્ગા ફટકાર્યા. રવિન્દ્ર જાડેજા ૧૮ બોલમાં એક ચોગ્ગા અને એક છગ્ગાની મદદથી ૨૧ રન બનાવીને અણનમ રહ્યો.

બ્રેવિસ અને જાડેજાએ 39 બોલમાં 76 રનની ઝડપી ભાગીદારી કરી. કોનવે અને મ્હાત્રેએ ઓપનિંગ ભાગીદારીમાં 22 બોલમાં 44 રન બનાવ્યા. કોનવેએ પટેલ સાથે બીજી વિકેટ માટે 34 બોલમાં 63 રન ઉમેર્યા. ગુજરાત તરફથી પ્રસિદ્ધ કૃષ્ણા સૌથી સફળ બોલર રહ્યા, તેમણે ચાર ઓવરમાં 22 રન આપીને બે વિકેટ લીધી.