જાપાન ઓપન ટેનિસ: મેન્સ સિંગલ્સની રોમાંચક ફાઇનલમાં આજે સ્પેનના કાર્લોસ અલ્કારાઝ અને જીરી લેહેકા વચ્ચે થશે ખરાખરીનો જંગ

જાપાન ઓપન ટેનિસ: મેન્સ સિંગલ્સની રોમાંચક ફાઇનલમાં આજે સ્પેનના કાર્લોસ અલ્કારાઝ અને જીરી લેહેકા વચ્ચે થશે ખરાખરીનો જંગ

જાપાન ઓપન ટેનિસ ટુર્નામેન્ટ હવે તેના સૌથી રોમાંચક તબક્કામાં પહોંચી ગઈ છે. આજે ટોક્યોના પ્રખ્યાત એરિયાકે કોલિઝિયમ ખાતે રમાનારી મેન્સ સિંગલ્સની અત્યંત અપેક્ષિત ફાઇનલ મુકાબલામાં ડિફેન્ડિંગ ચેમ્પિયન અને સ્પેનિશ સ્ટાર કાર્લોસ અલ્કારાઝનો મુકાબલો ચેક રિપબ્લિકના ખેલાડી જીરી લેહેકા સામે થશે.

ખિતાબ બચાવવા મેદાનમાં ઉતરશે અલ્કારાઝ

ટોચના ક્રમાંકિત કાર્લોસ અલ્કારાઝે શાનદાર પ્રદર્શન કરીને સતત બીજી વખત જાપાન ઓપનની ફાઇનલમાં પ્રવેશ કર્યો છે. ગત વર્ષે આ ટ્રોફી જીતનાર અલ્કારાઝ આ વર્ષે પણ પોતાનું વર્ચસ્વ જાળવી રાખીને સતત બીજું ટાઇટલ જીતવાના ઈરાદા સાથે મેદાન પર ઉતરશે. સેમિફાઇનલ મુકાબલામાં કઠિન સંઘર્ષ બાદ જીત મેળવીને તેણે ફાઇનલનું ટિકિટ મેળવ્યું છે.