તિલકની લડતથી ટીમ ઈન્ડિયાની શાનદાર જીત

ભારતે ઇંગ્લેન્ડને 2 વિકેટથી હરાવ્યું હતું . તિલક વર્માએ 55 બોલમાં 72 રનની જબરદસ્ત ઇનિંગ રમી. ચેન્નઈમાં રમાયેલી રોમાંચક મેચમાં ભારતે ઇંગ્લેન્ડ સામે 2 વિકેટે વિજય મેળવ્યો. બીજી T20માં ઇંગ્લેન્ડે 166 રનનો ટાર્ગેટ આપ્યો હતો. ભારતે 146 રનમાં 8 વિકેટ ગુમાવી દીધી હતી, પરંતુ તિલક વર્માની અણનમ અડધી સદીએ ટીમને છેલ્લી ઓવરમાં મેચ જીતવામાં મદદ કરી.

તિલક 55 બોલમાં 72* રન કરાવ્યા હતા. વોશિંગ્ટન સુંદરે 26 રન બનાવ્યા. ઇંગ્લેન્ડ તરફથી બ્રાઇડન કાર્સે 3 વિકેટ લીધી હતી. બીજી T20 જીતીને ભારતે સિરીઝમાં 2-0થી લીડ મેળવી.ત્રીજી મેચ 28 જાન્યુઆરીએ રાજકોટમાં રમાશે.

ભારતીય કેપ્ટન સૂર્યકુમાર યાદવે ટોસ જીતીને પ્રથમ બોલિંગ કરવાનો નિર્ણય કર્યો હતો. ઇંગ્લેન્ડની ટીમે 20 ઓવરમાં 9 વિકેટે 165 રન બનાવ્યા હતા. ઈંગ્લેન્ડ તરફથી જોસ બટલરે 45 રન અને બ્રેડન કાર્સે 31 રન બનાવ્યા હતા. ભારત તરફથી અક્ષર પટેલ અને વરુણ ચક્રવર્તીએ 2-2 વિકેટ લીધી હતી. આ બે સિવાય અર્શદીપ સિંહ, હાર્દિક પંડ્યા, વોશિંગ્ટન સુંદર અને અભિષેક શર્માને 1-1 સફળતા મળી છે.

આ મેચ પહેલા ટીમ ઈન્ડિયાને મોટો આંચકો લાગ્યો છે. તેના બે સ્ટાર ખેલાડી મેચમાંથી બહાર થઈ ગયા હતા. નીતીશ કુમાર રેડ્ડી ઈજાના કારણે આખી સિરીઝ રમી શકશે નહીં. જ્યારે સ્ટાર બેટ્સમેન રિંકુ સિંહ પણ આગામી બે મેચમાં જોવા મળશે નહીં. બન્નેના સ્થાને શિવમ દુબે અને રમનદીપ સિંહનો સમાવેશ કરવામાં આવ્યો છે.