ભારતની નંબર 1 મહિલા ચેસ ખેલાડી કોનેરુ હમ્પી નોર્વે ચેસ મહિલા 2025 માં જોડાશે

તેણીએ ચેસમાં અસાધારણ ધોરણો સ્થાપિત કર્યા છે

ભારતની ટોચની મહિલા ચેસ ખેલાડી અને ક્લાસિકલ ચેસમાં વિશ્વમાં છઠ્ઠા ક્રમે રહેલી કોનેરુ હમ્પી પ્રતિષ્ઠિત નોર્વે ચેસ મહિલા 2025 ટુર્નામેન્ટમાં વાપસી કરી રહી છે. ટુર્નામેન્ટમાં તેમની ભાગીદારીએ ચાહકો અને નિષ્ણાતોનું ધ્યાન ખેંચ્યું છે. હમ્પીની ચેસ કારકિર્દી તેની અસાધારણ સિદ્ધિઓથી ભરેલી છે. 

એશિયન ચેમ્પિયનશિપમાં પણ ભારતનું નામ રોશન કર્યું છે

તે 2002 માં ગ્રાન્ડમાસ્ટરનો ખિતાબ મેળવનાર પ્રથમ ભારતીય મહિલા બની હતી. તેમની અન્ય મોટી સિદ્ધિઓમાં 2019 અને 2024 માં વર્લ્ડ રેપિડ ચેમ્પિયનશિપનો ખિતાબ જીતવાનો સમાવેશ થાય છે. તે ઉપરાંત 2020 માં તેણીને બીબીસી ઇન્ડિયન સ્પોર્ટ્સવુમન ઓફ ધ યરનો એવોર્ડ મળ્યો હતો. તેમણે ઓલિમ્પિયાડ્સ, એશિયન ગેમ્સ અને એશિયન ચેમ્પિયનશિપમાં પણ ભારતનું નામ રોશન કર્યું છે.

તેણીએ ચેસમાં અસાધારણ ધોરણો સ્થાપિત કર્યા છે

નોર્વે ચેસ વિમેન 2025 હમ્પી માટે તેના કૌશલ્ય અને ક્ષમતા દર્શાવવા માટેનું બીજું એક મોટું પ્લેટફોર્મ હશે. 2600 રેટિંગનો આંકડો પાર કરનારી વિશ્વની બે મહિલા ખેલાડીઓમાંની એક તરીકે તેણીએ ચેસમાં અસાધારણ ધોરણો સ્થાપિત કર્યા છે. તો ટુર્નામેન્ટ વિશે પોતાનો ઉત્સાહ શેર કરતા હમ્પીએ કહ્યું, પ્રતિષ્ઠિત નોર્વે ચેસ મહિલા ટુર્નામેન્ટમાં રમવું મારા માટે ગર્વની વાત છે.

મ્પી આ વખતે પણ તેના શાનદાર પ્રદર્શનથી ખિતાબ જીતી શકશે

હમ્પીની વાપસી પર બોલતા, ટુર્નામેન્ટ ડિરેક્ટર કેજેલ મેડલેન્ડે કહ્યું કે, હમ્પીની સિદ્ધિઓ ચેસની દુનિયામાં પ્રેરણારૂપ છે. નોર્વે ચેસ વિમેન 2025 માં તેનું સ્વાગત કરતાં અમને ખૂબ આનંદ થાય છે. તેમની ભાગીદારી માત્ર ભારતમાં જ નહીં, પરંતુ વિશ્વભરના યુવા ખેલાડીઓ માટે પ્રેરણારૂપ છે. હમ્પી આ વખતે પણ તેના શાનદાર પ્રદર્શનથી ખિતાબ જીતી શકશે કે કેમ તે જોવું રસપ્રદ રહેશે.