ભારત, એશિયન રાઈફલ/પિસ્તોલ કપ 2026ની યજમાની કરશે

સમિતિએ ભારતને એશિયન રાઇફલ/પિસ્તોલ કપ 2026 ના હોસ્ટિંગ અધિકારો એનાયત કર્યા છે. નેશનલ રાઈફલ એસોસિએશન ઓફ ઈન્ડિયા NRAI દ્વારા આ જાહેરાત કરવામાં આવી છે.

ASCના જનરલ સેક્રેટરી એન્જિનિયર દુઆજ અલ ઓતૈબી વતી NRAIના જનરલ સેક્રેટરી કે. સુલતાન સિંહને મોકલવામાં આવેલા પત્રમાં, યજમાન મહાસંઘ પાસેથી આ સ્પર્ધાની સૂચિત તારીખોની માહિતી માંગવામાં આવી છે. આ નિર્ણય પર પ્રતિક્રિયા આપતા કે. સુલતાન સિંઘે જણાવ્યું હતું કે, "અમે બીજી ટોચની આંતરરાષ્ટ્રીય શૂટિંગ સ્પર્ધાની, હોસ્ટિંગની જવાબદારી સોંપીને અત્યંત ખુશ છીએ. અમે એએસસીની કાર્યકારી સમિતિના અત્યંત આભારી છીએ અને હંમેશાની જેમ અમારું શ્રેષ્ઠ આપવાનું વચન આપીએ છીએ."

NRAIના પ્રમુખ કલિકેશ નારાયણ સિંહ દેવે જણાવ્યું હતું કે, “આંતરરાષ્ટ્રીય સ્તરે, ભારતીય શૂટિંગના વધતા જતા કદનો આ બીજો પુરાવો છે, અને અમારા શૂટરોને શ્રેષ્ઠ ખેલાડીઓ સામે ઘરની ભીડની સામે તેમની પ્રતિભાનું પ્રદર્શન કરતા જોઈને, અમને આનંદ થાય છે. વિશ્વને અમારી ક્ષમતા સાબિત કરવાની બીજી તક મળશે, અમે ભારત સરકાર, રમતગમત મંત્રાલય અને સ્પોર્ટ્સ ઓથોરિટી ઓફ ઈન્ડિયા (SEI)નો હંમેશા ભારતીય શૂટિંગને આપેલા પ્રોત્સાહન અને સમર્થન માટે આભાર માનીએ છીએ."

ભારતે અગાઉ 2015માં 8મી એશિયન એર ગન સ્પર્ધા અને એક વર્ષ પછી એશિયન ઓલિમ્પિક ક્વોલિફાયરની યજમાની કરી હતી. આ જ સમયગાળામાં, ભારતે 2 વર્લ્ડ કપ ફાઇનલ સહિત કુલ 6 ટોચની ઇન્ટરનેશનલ શૂટિંગ સ્પોર્ટ્સ ફેડરેશન ISSF સ્પર્ધાઓનું પણ આયોજન કર્યું હતું.