મનસુખ માંડવિયાએ 2028 ઓલિમ્પિકની તૈયારીઓને લઈને મહત્વની બેઠક યોજી

આ તૈયારી 2028 ઓલિમ્પિક માટે વધુ મહત્વપૂર્ણ છે

કેન્દ્રીય રમતગમત મંત્રી મનસુખ માંડવિયાએ 2028 ઓલિમ્પિકની તૈયારીઓને લઈને એક મહત્વપૂર્ણ બેઠક યોજી હતી. જેમાં દેશની પ્રખ્યાત ખેલ હસ્તીઓએ ભાગ લીધો હતો. આ બેઠકનો ઉદ્દેશ્ય 2028 ઓલિમ્પિક માટે ખેલાડીઓને તૈયાર કરવાનો અને તેમને યોગ્ય દિશામાં માર્ગદર્શન આપવાનો હતો. આ બેઠકમાં ભારતીય ખેલાડીઓને આગામી દિવસોમાં વધુ સારી રીતે કેવી રીતે તૈયાર કરી શકાય તે અંગે ચર્ચા કરવામાં આવી હતી. 

 ઓલિમ્પિક અને આંતરરાષ્ટ્રીય ચેમ્પિયનશીપમાં સફળતા હાંસલ કરે

મનસુખ માંડવિયાએ બેઠકમાં જણાવ્યું કે મિશન ઓલિમ્પિક સેલની સ્થાપના સાથે અમે ઓલિમ્પિકની તૈયારીઓ માટે કામ શરૂ કરી દીધું છે. આ સમિતિમાં આપણા દેશની જાણીતી ખેલ હસ્તીઓનો સમાવેશ કરવામાં આવ્યો છે. જેથી આપણે સાથે મળીને ભારતીય રમતોને નવી દિશા આપી શકીએ. આપણા એથ્લેટ્સ આગામી ઓલિમ્પિક અને આંતરરાષ્ટ્રીય ચેમ્પિયનશીપમાં સફળતા હાંસલ કરે તે સુનિશ્ચિત કરવા માટે આપણે બધાએ સાથે મળીને કામ કરવું પડશે.

અમારા ખેલાડીઓને વૈશ્વિક સ્તરે સ્પર્ધા માટે તૈયાર કરશે

આ બેઠકમાં પ્રખ્યાત બેડમિન્ટન કોચ પુલેલા ગોપીચંદ પણ હાજર હતા. તેમણે કહ્યું કે આ એક અર્થપૂર્ણ અને પ્રેરણાદાયી ચર્ચા હતી. મંત્રીએ ઉત્સાહપૂર્વક ભાર મૂક્યો છે કે 2028 ઓલિમ્પિકમાં અમારું પ્રદર્શન ઉત્તમ હોવું જોઈએ. તે સુનિશ્ચિત કરવા માંગે છે કે આગામી ઓલિમ્પિકમાં અમે વધુ સારું પ્રદર્શન કરીએ. અમે જે પગલાં લઈ રહ્યા છીએ તે અમારા ખેલાડીઓને વૈશ્વિક સ્તરે સ્પર્ધા માટે તૈયાર કરશે.

આ તૈયારી 2028 ઓલિમ્પિક માટે વધુ મહત્વપૂર્ણ છે

સાથે જ શુટીંગ પ્લેયર ગગન નારંગે આ મીટીંગને ખૂબ જ મહત્વની ગણાવી હતી અને જણાવ્યું હતું કે, અહીં ગ્રાસરૂટ લેવલથી એલીટ લેવલ સુધી રમતગમતના વિકાસની ચર્ચા કરવામાં આવી હતી. પેરિસ ઓલિમ્પિક 2024 માં જે પણ ખામીઓ હતી. તેના પર વિચાર કરવામાં આવ્યો અને તેને દૂર કરવા માટે વ્યૂહરચના બનાવવામાં આવી છે. આ તૈયારી 2028 ઓલિમ્પિક માટે વધુ મહત્વપૂર્ણ છે અને આપણે વધુ સારી સિસ્ટમ અપનાવવાની જરૂર છે.