મહિલા ટી-20 એશિયા કપ 2024: ભારત 19 જુલાઈએ પાકિસ્તાન સામે ટકરાશે

મહિલા ટી-20 એશિયા કપ 2024ની શરૂઆત 19 જુલાઈએ ભારત અને પાકિસ્તાન વચ્ચેની શાનદાર મેચથી થશે. મંગળવારે, એશિયન ક્રિકેટ કાઉન્સિલ (એસીસી) એ ટૂર્નામેન્ટના શેડ્યૂલની જાહેરાત કરી.

ભારત અને પાકિસ્તાન દિવસની બીજી મેચ માટે મેદાનમાં ઉતરશે, જ્યારે પ્રથમ દિવસે ટૂર્નામેન્ટની પ્રથમ મેચમાં સંયુક્ત આરબ અમીરાત (યુએઈ) નો સામનો નેપાળ સામે થશે. આઠ ટીમોની આ ટુર્નામેન્ટમાં ભારતને યુએઈ અને નેપાળની સાથે ગ્રુપ એમાં રાખવામાં આવ્યું છે. જ્યારે ગ્રુપ બીમાં યજમાન શ્રીલંકા, બાંગ્લાદેશ, મલેશિયા અને થાઈલેન્ડનો સમાવેશ થાય છે. એશિયન ક્રિકેટ કાઉન્સિલ દ્વારા તૈયાર કરાયેલા અને જાહેર કરાયેલા શેડ્યૂલ મુજબ, દરેક જૂથમાંથી ટોચની બે ટીમો સેમિફાઇનલ માટે ક્વોલિફાય થશે. જે 26 જુલાઈએ રમાશે જ્યારે 28 જુલાઈએ ફાઈનલ રમાશે.

તેની અન્ય મેચોમાં ભારત 21 જુલાઈએ યુએઈ અને 23 જુલાઈએ નેપાળ સામે રમશે.

પ્રારંભિક તબક્કામાં દરરોજ બે મેચ રમાશે, જે 24 જુલાઈ સુધી ચાલશે.

મહિલા ટી20 એશિયા કપ 2024નું સંપૂર્ણ શેડ્યૂલ:

જુલાઈ 19: યુએઈ વિ નેપાળ; ભારત વિ પાકિસ્તાન

20 જુલાઈ: મલેશિયા વિ થાઈલેન્ડ, શ્રીલંકા વિ બાંગ્લાદેશ

જુલાઈ 21: ભારત વિ યુએઈ, પાકિસ્તાન વિ નેપાળ

22 જુલાઈ: શ્રીલંકા વિ મલેશિયા, બાંગ્લાદેશ વિ થાઈલેન્ડ

જુલાઈ 23: પાકિસ્તાન વિ યુએઈ, ભારત વિ નેપાળ

24 જુલાઈ: બાંગ્લાદેશ વિ મલેશિયા, શ્રીલંકા વિ થાઈલેન્ડ.

26 જુલાઈ: સેમિ-ફાઇનલ 1; સેમી ફાઇનલ 2

28 જુલાઈ: ફાઈનલ.

મેચો સ્થાનિક સમય અનુસાર બપોરે 2 અને સાંજે 7 વાગ્યે રમાશે.