રાષ્ટ્રીય મહિલા બોક્સિંગ ચેમ્પિયનશિપ : હરિયાણાની મનીષા મોને ક્વાર્ટર ફાઇનલમાં મિઝોરમની ટી.સી. લાલરેમુરુતિને હરાવી

નોઈડામાં હરિયાણાની મનીષા મોને મિઝોરમની ટીસી લાલરેમુરુતિને 5-0થી હરાવી રાષ્ટ્રીય મહિલા બોક્સિંગ ચેમ્પિયનશિપની સેમિફાઈનલમાં પ્રવેશ કર્યો. સેમિફાઇનલમાં મનીષાનો સામનો પંજાબની સિમરનજીત કૌર સામે થશે. અન્ય ક્વાર્ટર ફાઈનલ મેચમાં આર્મીની જાસ્મીન લેમ્બોરિયાએ 60 કિગ્રા વજન વર્ગમાં મહારાષ્ટ્રની પૂનમ કૈથવાસને હરાવી હતી. 

સેમિફાઇનલમાં જાસ્મિનનો સામનો હિમાચલ પ્રદેશની મેનકા દેવી સાથે થશે. મેનકાએ ક્વાર્ટર ફાઇનલમાં તમિલનાડુના કી પી એસ ગિરજાને 4-1થી હરાવી હતી.  હરિયાણાની સ્વીટી બુરા પણ 81 કિગ્રા વજન વર્ગની સેમિફાઇનલમાં પહોંચી ગઈ છે.

66 કિગ્રા વજન વર્ગમાં આર્મીની અરુંધતિ ચૌધરીએ પંજાબની કોમલપ્રીત કૌરને 5-0થી હરાવીને સેમિફાઈનલમાં પ્રવેશ કર્યો હતો. સાતમી રાષ્ટ્રીય મહિલા બોક્સિંગ ચેમ્પિયનશિપમાં કુલ 12 વેઇટ કેટેગરીમાં 300થી વધુ મહિલા બોક્સરો ભાગ લઈ રહી છે. આવતીકાલે ચેમ્પિયનશિપની ફાઈનલ મેચો રમાશે.