શેરબજારમાં રક્તપાત: ટ્રમ્પની ધમકીથી ક્રૂડમાં ઉછાળો, સેન્સેક્સ-નિફ્ટીમાં કડાકો

શેરબજારમાં રક્તપાત: ટ્રમ્પની ધમકીથી ક્રૂડમાં ઉછાળો, સેન્સેક્સ-નિફ્ટીમાં કડાકો

સપ્તાહના પ્રથમ ટ્રેડિંગ દિવસે ભારતીય શેરબજારમાં નકારાત્મક શરૂઆત જોવા મળી છે. વૈશ્વિક તણાવ અને ખાસ કરીને મધ્ય પૂર્વમાં વધતી અસ્થિરતાની સીધી અસર દલાલ સ્ટ્રીટ પર પડી રહી છે.

બજારની સ્થિતિ: સેન્સેક્સ અને નિફ્ટી

આજના પ્રારંભિક કારોબારમાં BSE સેન્સેક્સ આશરે 250થી 300 પોઈન્ટ તૂટીને 72,900 ની સપાટીની નજીક ટ્રેડ કરી રહ્યો છે. જ્યારે NSE નિફ્ટી પણ તેની મજબૂતી ગુમાવી 22,600 ના સ્તરની આસપાસ જોવા મળી રહ્યો છે. IT શેરોમાં આજે ખરીદી નીકળતા તેજી જોવા મળી રહી છે. મીડિયા અને ફાર્મા સેક્ટરના શેરોમાં આજે વેચવાલીનું દબાણ જોવા મળી રહ્યું છે.

વૈશ્વિક બજારમાં ક્રૂડ ઓઈલના ભાવમાં જોરદાર ઉછાળો આવ્યો છે. અમેરિકાના પૂર્વ રાષ્ટ્રપતિ ડોનાલ્ડ ટ્રમ્પની તાજેતરની ધમકીભરી ટિપ્પણીઓને કારણે તેલના સપ્લાયમાં વિક્ષેપ પડવાની ભીતિ સેવાઈ રહી છે. આ કારણોસર ક્રૂડ ઓઈલ પ્રતિ બેરલ 110 ડોલર ની સપાટીને પાર કરી ગયું છે, જે ભારત જેવા આયાતકાર દેશ માટે ચિંતાનો વિષય છે.

આજે સોના ચાંદીના ભાવમાં સામાન્ય વધારો જોવા મળી રહ્યો છે. તો ડોલર સામે રુપિયો 93.07 ની સપાટીએ પહોંચ્યો છે.