T-20 મેચમાં ભારતનો વિજય, શ્રેણી પર ભારતનો કબજો

173 રનના વિજય લક્ષ્યનો પીછો કરતાં દક્ષિણ આફ્રિકાની ટીમ 20 ઓવરમાં માત્ર 165 રન નોંધાવી શકી

કેપટાઉનમાં રમાયેલી ટી - 20 શ્રેણીની ત્રીજી અને અંતિમ ટી-ટ્વેન્ટીમાં ભારતે દક્ષિણ આફ્રિકાને સાત રને હરાવીને શ્રેણી 2-1થી જીતી લીધી હતી. ભારતે પ્રથમ બેટિંહગમાં નિર્ધારીત 20 ઓવરમાં સાત વિકેટે 172 રન નોંધાવ્યા હતા. જેમાં શિખર ધવનના 47 અને સુરેશ રૈનાના 43 રન મુખ્ય હતા. 173 રનના વિજય લક્ષ્યનો પીછો કરતાં દક્ષિણ આફ્રિકાની ટીમ 20 ઓવરમાં માત્ર 165 રન નોંધાવી શકી હતી.

તો મહિલા ક્રિકેટ ટીમે ટી-ટ્વેન્ટી શ્રેણીની પાંચમી અને અંતિમ મેચમાં દક્ષિણ આફ્રિકાને 54 રને પરાજય આપી, શ્રેણી 3-1થી જીતી લીધી હતી. ભારતે પહેલાં બેટિંગ કરતા નિર્ધારીત 20 ઓવરમાં ચાર વિકેટે 166 રન નોંધાવ્યા હતા. જેમાં મિતાલી રાજના 62 રન મુખ્ય હતા. 167 રનના વિજય લક્ષ્યનો પીછો કરતાં દક્ષિણ આફ્રિકાની ટીમ 18 ઓવરમાં માત્ર 112 રન નોંધાવીને આઉટ થઈ જતાં ભારતનો વિજય થયો હતો.