#TirupatiBalaji: શહેરના બાલાજી મંદિરમાં બ્રહ્મોત્સવ સપ્તાહની ઉજવણી

10-04-2018 | 8:07 pm

Share Now

• Share on Facebook
• Share on Twitter
• Share on Google

અમદાવાદમાં આવેલા તિરુપતિ બાલાજી મંદિર ખાતે ભગવાન વેંકેટેશ્વરના 11માં બ્રહ્મોસ્તવની શરૂઆત થઈ છે. તારીખ 6 થી 11 એપ્રિલ સુધી ચાલનારા આ કાર્યક્રમમાં પ્રથમ દિવસે ધ્વજા આરોહણ કરી દેવતાઓને બ્રહ્મોત્સવ માટે આમંત્રિત કરવામાં આવ્યા હતા. બીજા દિવસે ભગવાનને તેમના પ્રિય વાહન હંસ પર બિરાજમાન કરાવી વાહનોત્સવ ઉજવાયો હતો અને તિરુ-મંજનમ્ કરાયું હતું. 

ઉપરાંત હિંડોળા સેવા અને હનુમાન વાહનોત્સવનું પણ આયોજન કરાયું હતું. ભગવાનને અશ્વ રથમાં બિરાજમાન કરી રથયાત્રા કાઢવામાં આવી હતી તથા હિંડોળા દર્શન રાખવામાં આવ્યા હતા. જેમાં મોટી સંખ્યામાં દક્ષિણ ભારતના ગુજરાતી સમુદાયે  ભાગ લીધો હતો. ઉલ્લેખનીય છે કે, આ કાર્યક્રમમાં ભગવાન વેંકેટેશ્વરને પ્રતિદિન અલગ અલગ વાહન પર બિરાજમાન કરી ઉજવણી કરવામાં આવે છે.