ભારતીય શેરબજાર લીલા નિશાન સાથે ખુલ્યું, ફાર્મા અને ઓટો સેક્ટરમાં તેજી

સોમવારે સકારાત્મક વૈશ્વિક સંકેતો વચ્ચે ભારતીય ઈક્વિટી બેન્ચમાર્ક સૂચકાંકો લીલા નિસાન સાથે ખુલ્યા. શરૂઆતના કારોબારમાં ફાર્મા અને ઓટો સેક્ટરમાં ખરીદી જોવા મળી. સવારે લગભગ 9.32 વાગ્યે, સેન્સેક્સ 504.88 પોઈન્ટ વધીને 74,333.79 પર ટ્રેડ કરી રહ્યો હતો, જ્યારે નિફ્ટી 164.00 પોઈન્ટ વધીને 22,561.20 પર ટ્રેડ કરી રહ્યો હતો.

આગામી દિવસોમાં વધુ વૃદ્ધિની અપેક્ષા
બજાર નિરીક્ષકોના મતે, સેન્સેક્સ 74,550 ની આસપાસ ફરે છે અને પ્રોફિટ બુકિંગને કારણે ગતિ ધીમી પડી ગઈ છે. ઇન્ડેક્સને 73,600 ના સ્તરે ટૂંકા ગાળાનો ટેકો મળ્યો છે, જેને હાલ પૂરતો જાળવી રાખવાની જરૂર છે.  પીએલ કેપિટલ ગ્રુપના ટેકનિકલ રિસર્ચના વાઇસ પ્રેસિડેન્ટ વૈશાલી પારેખે જણાવ્યું હતું કે, “આગામી દિવસોમાં વધુ ઉછાળાની અપેક્ષા રાખવા માટે 75,000 ના સ્તરથી આગળ વધવા માટે નિર્ણાયક પગલું ભરવાની જરૂર છે.

આજે, સેન્સેક્સ માટે સપોર્ટ 22,300ના સ્તરે જોવા મળે છે, જ્યારે પ્રતિકાર 22,600 ના સ્તરે જોવા મળે છે.  દરમિયાન, નિફ્ટી બેંક 259.95 પોઈન્ટ અથવા 0.54 ટકા વધીને 48,320.35 પર બંધ રહ્યો હતો. નિફ્ટી મિડકેપ 100 ઇન્ડેક્સ 183.30 પોઈન્ટ અથવા 0.38 ટકા વધીને 48,308.40 પર ટ્રેડ થઈ રહ્યો હતો. નિફ્ટી સ્મોલકેપ 100 ઇન્ડેક્સ 62.15 પોઈન્ટ અથવા 0.42 ટકા વધીને 14,959.50 પર બંધ રહ્યો હતો.

ભવિષ્યમાં બજારનો ટ્રેન્ડ સ્થિર રહેવાની અપેક્ષા છે
નિષ્ણાતોએ જણાવ્યું હતું કે નજીકના ભવિષ્યમાં બજારનો ટ્રેન્ડ સ્થિર રહેવાની શક્યતા છે. ગયા અઠવાડિયે FIIના આઉટફ્લોમાં સતત ઘટાડો અને અમેરિકા કરતા ભારતનો સારો દેખાવ સકારાત્મક પરિબળો છે.

નાણાકીય વર્ષ 25ના ત્રીજા ક્વાર્ટરમાં GDP વૃદ્ધિ દર 6.2 ટકા થયો
નિષ્ણાતોના મતે, આ સકારાત્મક વલણને નાણાકીય વર્ષ 25 ના ત્રીજા ક્વાર્ટરમાં GDP વૃદ્ધિમાં 6.2 ટકાનો ઉછાળો, જાન્યુઆરીમાં IIPમાં 5 ટકાનો ઉછાળો અને ફેબ્રુઆરીમાં CPI ફુગાવામાં 3.61 ટકાનો ઘટાડો દ્વારા સમર્થન આપવામાં આવ્યું છે.

સેન્સેક્સ પેકમાં ઇન્ડસઇન્ડ બેંક, બજાજ ફિનસર્વ, ટાટા મોટર્સ, અલ્ટ્રાટેક સિમેન્ટ, એલ એન્ડ ટી, એક્સિસ બેંક અને આઈસીઆઈસીઆઇ બેંક સૌથી વધુ વધ્યા હતા. જ્યારે ઈન્ફોસિસ, ઝોમેટો, એચસીએલ ટેક, નેસ્લે ઈન્ડિયા અને કોટક મહિન્દ્રા બેંક સૌથી વધુ નુકસાન કરનારા શેર હતા.

એશિયન બજારોમાં, બેંગકોક અને જકાર્તા લાલ નિશાનમાં કારોબાર કરી રહ્યા હતા
છેલ્લા ટ્રેડિંગ સત્રમાં, ડાઉ જોન્સ 1.65 ટકાના વધારા સાથે 41,488.19 પર બંધ થયો હતો. S&P 500 ઇન્ડેક્સ 2.13 ટકા વધીને 5,638.94 પર બંધ થયો અને Nasdaq 2.61 ટકા વધીને 17,754.09 પર બંધ થયો. એશિયન બજારોમાં, બેંગકોક અને જકાર્તા લાલ નિશાનમાં કારોબાર કરી રહ્યા હતા. જ્યારે જાપાન, સિઓલ, ચીન અને હોંગકોંગ લીલા નિશાનમાં કારોબાર કરી રહ્યા હતા.

13 માર્ચના રોજ વિદેશી સંસ્થાકીય રોકાણકારો (FII)એ 792.90 કરોડ રૂપિયાના ઈક્વિટી વેચ્યા હતા, જ્યારે સ્થાનિક સંસ્થાકીય રોકાણકારો (DII) એ તે જ દિવસે 1,723.82 કરોડ રૂપિયાના ઈક્વિટી ખરીદ્યા હતા.