ડૉ. એસ. જયશંકર મોરેશિયસના વડાપ્રધાન પ્રવિંદ જગનાથને મળશે

વિદેશમંત્રી ડૉ. એસ. જયશંકર મોરેશિયસના વરિષ્ઠ પ્રધાનો સાથે દ્વિપક્ષીય બેઠકો કરશે

વિદેશ મંત્રી ડૉ. એસ. જયશંકર આજથી બે દિવસીય મોરેશિયસની સત્તાવાર મુલાકાતે છે.તેઓ મુલાકાત દરમિયાન, પ્રધાન મોરેશિયસના વડા પ્રધાન પ્રવિંદ જગનાથને મળશે અને મોરેશિયસના અન્ય વરિષ્ઠ પ્રધાનો સાથે દ્વિપક્ષીય બેઠકો કરશે. તે અન્ય અગ્રણી મોરિશિયન નેતાઓને પણ મળશે.

 
વિદેશ મંત્રાલયના જણાવ્યા અનુસાર, આ મુલાકાત બંને પક્ષોને દ્વિપક્ષીય સંબંધોના વિવિધ પાસાઓ પર વ્યાપકપણે સમીક્ષા કરવાની તક પૂરી પાડશે. મંત્રાલયે જણાવ્યું હતું કે, આ મુલાકાત ભારત-મોરેશિયસ સંબંધોના મહત્વને રેખાંકિત કરે છે અને તે ભારતની ‘નેબરહુડ ફર્સ્ટ પોલિસી’, વિઝન સાગર અને વૈશ્વિક દક્ષિણ પ્રત્યેની પ્રતિબદ્ધતાનું પ્રતિબિંબ છે